.. 
WALANG kahirap-hirap na nakalusot sa Commission on Appointments (CA) ang paghirang ni Pangulong Ferdinand Marcos Jr. kay Vince Dizon bilang Kalihim ng Department of Transportation (DOTr).
Sa mosyon ni Committee on Transportation Chairperson Lani Mercado, agad na kinumpirma — nang wala man lang maski isang tumutol — ang appointment ni Dizon.
Bukod kay Dizon, hindi rin dumaan sa butas ng karayom sina Civil Service Commission (CSC) Commissioner Luis Meinrado Pangulayan at Commission on Audit (COA) Commissioner Douglas Michael Mallillin.
Kinumpirma rin ng CA ang 86 general-flag officers at senior officers ng Armed Forces of the Philippines.
