.. 
SA napipintong pagsisimula ng impeachment trial ng senado laban kay Vice President Sara Duterte, asahan ang ilang pagbabago sa kasapian ng House prosecution panel.
Ang dahilan, ilan sa mga kongresistang miyembro ng House prosecution panel, tapos na ang termino — po di naman kaya’y natalo na ginanap na halalan noong Mayo 12.
Gayunpaman, agad na naresolba ng pamunuan ng Kamara ang kakulangan ng taga-usig matapos tanggapin ni partylist congressman-elect Atty. Chel Diokno ang paanyaya ni House Speaker Martin Romualdez para maging bahagi ng House prosecution panel sa impeachment trial ni VP Sara.
“Akbayan Party has been invited by the House of Representatives to be part of the House prosecution team in the upcoming impeachment trial of Vice President Sara Duterte, once the Senate convenes as an impeachment court,” sabi ng Akbayan sa isang pahayag.
“Incoming Akbayan Representative Atty. Chel Diokno will join the House prosecution panel,” dugtong ng grupo.
Bukod kay Diokno, pasok din sa House prosecution team si congresswoman-elect Leila de Lima ng ML partylist group. Bilang abogado, dati nang nagsilbi si De Lima bilang senador, chairperson ng Commission on Human Rights, Kalihim ng Department of Justice.
“Just to further confirm that the House Speaker has asked me to be part of the prosecution panel, and I’ve agreed to serve. I’ve always believed that public office comes with the duty to uphold accountability, no matter the personalities involved. This is part of my continuing work for justice and reform. I’m here to serve the truth—nothing more, nothing less,” pahayag ni De Lima.
