.. 
Ni EDWIN MORENO
ISANG araw matapos maglabas ng direktiba ang Palasyo hinggil sa tatayong officer in charge ng pambansang kapulisan, naglabas ng anunsyo si Pangulong Ferdinand Marcos Jr. sa napiling bagong hepe ng Philippine National Police si Police (PNP).
Sa idinaos na seremonya sa Camp Crame, pormal na nanungkulan ang isang General Francisco Marbil ng Philippine Military Academy Sambisig Class of 1991 bilang kapalit ng ni PNP chief Gen. Benjamin Acorda Jr.
“I hereby assume the position as Chief Philippine National Police effective April 1, 2024,” wika ni Marbil.
Bago pa man nahirang mamuno bilang PNP chief, nagsilbi si Marbil bilang pinuno ng PNP Directorate for Comptrollership (DC), director ng Police Regional Office 8 sa Eastern Visayas, at hepe ng PNP Highway Patrol Group.
Bagamat limitado lang ang termino ni Marbil na meron lamang hanggang Pebrero 7, 2025 (mandatory retirement age ng bagong PNP chief) para isakatuparan ang reporma sa pambansang kapulisan, posible pa rin mapalawig ang panunungkulan ni Marbil sa bisa ng kumpas ng Pangulo na may kapangyarihang palawigin ang termino ng isang PNP chief.
“Let us ensure that the PNP will be agents of progressive transformation in the lives of our people by ensuring the safety and well-being of every community in the land,” ani Marcos sa talumpating binigkas kasabay ng seremonya.
Sa direktiba ni Marcos kay Marbil, partikular na tinukoy ang lumalalang problema laban sa cybercrime, terorismo at transnational crime – bagay na agad tinugon ni Marbil.
“First, the quality of leadership, knowledge, ability, and professionalism within the ranks. Second, expanding our ability to uphold the law, maintain order, and fight local and transnational crimes in all forms and manifestations. To this end, we commit to utilizing the best and innovative practices in law enforcement,” pahayag ni Marbil.
“And third, but not the least, we will strive to increase the level of trust that the people we protect have in us. We will focus on increased community satisfaction in our work as a key benchmark of our progress,” pagtatapos ng bagong PNP chief.
