.. 
SA dami ng mga pamilyang nagnanais makatipid sa buwanang singil sa konsumo ng kuryente, naglipana ang solar power providers.
Gayunpaman, nagpahayag ng agam-agam si Abra lone district Reo. JB Bernos sa aniya’y pagsulpot ng mga tinawag niyang “fly-by-night” solar power providers.
“Of course, we fully support this shift to renewable energy, which is friendlier both to our environment and our wallets over the long term as we rely less on non-renewable sources,” ani Bernos, na kabilang sa mga mambabatas na pabor sa pagpapaunlad ng renewable energy sa bansa.
“But the government, in particular the Department of Trade and Industry, the Department of Energy, and Energy Regulatory Commission, must be proactive in going after unscrupulous operators whose only motivation is profit, to the detriment of our consumers,” dugtong ng mambabatas.
Ginawa ni Bernos ang panawagan bunsod na rin ng mga ulat hinggil sa aniya’y “poor quality solar panels,” gayundin ang reklamo sa kawalan ng warranty — kung hindi man palpak na installation at maintenance services ng mga hindi rehistradong solar power providers.
“May mga nababalitaan tayong solar installations na nasusunog, o di kaya mga providers na hindi na mahagilap para sa pagkukumpuni ng mga installation o kaya para sa maintenance,” himutok ng kongresista.
Nanawagan din si Bernos sa publiko na kung nais na lumipat sa paggamit ng solar energy sa kanilang power consumption ay dapat dumaan sa tamang proseso.
“We cannot sacrifice responsibility at the altar of convenience. I urge our kababayan to undergo the correct process when shifting to solar. This is not only for legality’s sake, but more importantly, it minimizes risk and ensures our safety,” apela ni Bernos.
Sa kasalukuyan, ang proseso sa paglipat sa solar energy ay nangangailangan ng barangay clearance, building permit, electrical permit, electrical inspection and certificate, at net metering application para sa Yellow Card.
Si Bernos ang may-akda ng House Bill 3126 (On-Grid Solar Energy Systems bill) na nagsusulong para magkaroon ng on-grid solar energy systems ang lahat ng national at local government offices sa bansa.
