.. 
Ni Estong Reyes
INATASAN ng Senado si Senate President Juan Miguel Zubiri na maghain ng petisyon sa Supreme Court laban sa peoples initiative na isinusulong ni House Speaker Martin Romualdez upang amendahan ang 1987 Constitution.
Nitong Martes, pinatibay ng Senado ang Senate Resolution No. 920 na inisponsor ni Majority Leader Joel Villanueva na nagbibigay kapangyarihan kay Zubiri na maghain ng petisyon sa Korte laban sa illegal at pekeng PI.
Ayon sa resolution inatasan si Zubiri na:
-file, as may be necessary, the appropriate action before the proper tribunal to challenge the constitutionality, validity, and irregularities relating to the people’s initiative to amend the Constitution
-engage the services of counsel/s to prepare the appropriate action and all related pleadings and appear and argue before such tribunal/s for this purpose
“In light of these Supreme Court decisions and the ongoing people’s initiative represented by Atty. Anthony A. Abad, et. al., there may be a need to file the appropriate action before the proper tribunal,” ayon kay Villanueva sa resolution.
Naunang pinangunahan ng People’s Initiative for Modernization and Reform Action (PIRMA) ang binabanggit na people’s initiative sa naturang resolusyon.
Makikita sa pahina ng signature form na isinumite sa Commission on Elections, tinanong ang botante kung pabor silang amendahan ang Article 17, Section 1 ng 1987 Constitution upang payagan ang lahat ng miyembro ng Kongreso na bomoto nang magkasanib sa panukalang constitutional amendments sa pamamagitan ng constituent assembly.
“This is a departure from the existing provision, which does not explicitly state whether the House of Representatives and the Senate should vote jointly or separately on proposed amendments to the Charter via constituent assembly,” ayon sa resolusyon.
Binanggit din ni Villanueva sa resolusyon ruling ng Supreme Court sa Santiago vs. Comelec, na nagdedeklara sa Republic Act 6735 oan Initiative and Referendum Act, “inadequate” na sakupin ang sistema para sa people’s initiative.
Tinukoy din sa resolusyon ng SC sa kaso ng Lambino vs. Comelec na nagpapatibay sa Santiago case.
Naunang binanggit ng dalawang retiradong SC justice ang desisyon ng Mataas na Korte sa Lambino v. Comelec noong 2006 na nagsabing hindi binago ng high tribunal ang desisyon nito sa Santiago v. Comelec noong March 1997.
“Under the Santiago vs Comelec ruling, the SC held that RA 6735 is inadequate to cover the system of initiative on amendments to the Constitution and that it failed to provide sufficient standards for subordinate legislation” ayon sa resolusyon.
Nitong Lunes, sinuspinde ng Comelec ang lahat ng proceedings na may kaugnayan sa people’s initiative.
