.. 
HINDI kinagat ng Court of Appeals (CA) ang petition for review na inihain ng dating opisyal ng Procurement Service of the Department of Budget and Management (PS-DBM) na kabilang sa mga pinaniniwalaang kasabwat sa kontrobersyal na Pharmally scandal.
Giit ng CA, sumablay sa aspeto ng procedural issue si dating PS-DBM director Christine Marie Suntay na naghain ng petisyong kumukwestyon sa kapasyahan ng Office of the Ombudsman noong nakalipas na taon.
Ayon sa Ombudsman, guilty for gross neglect of duty at conduct prejudicial sa best interest ng serbisyo si Suntay.
Paliwanag ng CA, nagkamali si Suntay nang puntiryahin sa inihaing petisyon ang Office of the Ombudsman – sa halip na ang complainants na sina Senador Richard Gordon at Senador Risa Hontiveros.
