.. 
MATAPOS ang mahabang panahon ng ‘bakasyon’ sa loob ng piitan, lalaya na sa wakas ang 22 persons deprived of liberty (PDL), sa bisa ng executive clemency na iginawad ni Pangulong Ferdinand Marcos Jr.,
Base sa rekomendasyon ng Board of Pardons and Paroles, 20 sa naturang bilang ang ginawaran ng kalayaan sa ilalim ng “commutations of sentence” habang dalawa naman ang magpapaalam sa Bureau of Corrections (BuCor) matapos bigyan ng conditional pardon.
Ayon kay BuCor Director General Gregorio Pio Catapang Jr., minamadali na ng kanyang tanggapan ang pagproseso sa paglaya ng magkapatid na sina Alfredo at Leopoldo Boncawel na kapwa lalabas ng piitan sa bisa ng conditional pardon.
Laya na rin ani Catapang sina Roberto Gaut at Pablito Alvaran Jr., na kapwa nakatapos ng sentensya.
Pasok din sa talaan ng mga palalayain ng BuCor sina Evelyn Palarca, Dioscoro Talapian, Venancio Abanes, Avelino Tadina, Fernando San Jose, Quirino de Torres, Bonifacio Besana, Bernabe Cabrales, Anselmo delas Alas, Arcadio Venzon, Danilo Cabase, Beverly Tibo-Tan, Aurora Ambrocio, Felipe Galarion, Armando Dante, Leopoldo Conlu, Alex Valencerina at Alfredo Toral.
Hindi rin nagpaiwan sina Zaldy Francisco, Benedicto Ramos, David Garcia, Bernardo de Guzman, Rodel Garcia, Armando Canillo, Edilberto Platon at Josefina Patanao.
