Romer Butuyan 
HINDI kailangan magtiis ang mga mamamayan sa palpak na serbisyo ng mga internet providers.
Giit ni Leyte Rep. Martin Romualdez, may batas na nagtatakda ng panuntunan para sa mas mahusay na internet service sa lalo pa’t bahagi na ng buhay ng bawat isa ang naturang serbisyo.
“The necessary laws are in place, the newest of which is the Konektadong Pinoy Act. But something is not right. We need the internet in many aspects of our life. Yet, half of Pinoys are not konektado,” pahayag ng dating House Speaker.
“(And) despite technological advances, the country is lagging behind its neighbors in terms of cost-efficient, fast and accessible internet services,” dugtong ng Leyte solon.
Sa pangunguna ni Romualdez at mga kongresistang kasapi ng ruling party Lakas-Christian Muslim Democrats (Lakas-CMD), inihain ang House Resolution 823, na nagtutulak ng congressional investigation sa anila’y “expensive, slow and inaccessible” internet services sa bansa.
Ani Romualdez, ang naturang hakbang ay bahagi ng panukala GINHAWA KIT (Kuryente-Internet-Trabaho) legislative package, na naglalayong tugunan ang mabigat na pasanin sa pagbabayad ng kuryente, pagpapabuti sa internet access, at mapalawak ang employment opportunities para sa bawat mamamayang Pilipino.
Ayon sa dating lider ng Kamara, mahalaga ang pagkakaroon ng maaasahan, abot-kaya at dekalidad na internet, at data transmission services para palakasin ang produksyon at pagpapatatag sa ekonomiya ng bansa, gayundin ang paghahatid ng public at private services, kabilang ang edukasyon, healthcare, financial inclusion, disaster resilience, at commerce.
Personal na inihain nina Deputy Speaker David Suarez na tumatayong ingat-yaman ng partido, at Deputy Speaker Jay Khonghun ang HR 823 kung saan nakapaloob ang pag-aatas sa House Committee on Information and Communications Technology “to conduct an inquiry, in aid of legislation, on the reliability, quality, affordability, and consumer remedies relating to internet and data transmission services in the country…with the end in view of strengthening service standards, transparency, competition, and digital inclusion.”
Ayon kay Suarez, nakalulungkot na sa mismong policy research ng Kongreso ay lumalabas na 48.8 percent lamang o mas mababa sa kalahati ng Filipino households ang may internet access.
“The same research also found that affordability was a binding barrier, with a majority of offline households citing high subscription cost as a principal reason for not having internet access at home,” dagdag ng Quezon province lawmaker.
Sa panig ni Khonghun, pinuna niya ang umiiral na broadband speed at presyo nito. Base sa datos ng Department of Information and Communications Technology (DICT), ang Pilipinas ay rank 53 sa 154 mga bansa pagdating sa speed.
Habang sa ulat ng Philippine Institute for Development Studies, sinabi ng Zambales solon na sa ASEAN-5, ang Pilipinas ay may pinakamahal na monthly internet cost sa katumbas na 44.93 US dollars at pang-32 sa buong mundo.
