Romer Butuyan 
BILANG pagtalima na sa Korte Suprema, magkakaroon ng limang araw ang lahat ng mga miyembro ng Kamara para pag-aralan ang Articles of Impeachment laban kay Vice President Sara Duterte bago isalang sa plenary vote ang reklamo.
Ito ang pahayag ni House Committee on Justice Chairperson at Batangas 2nd District Rep. Atty. Gerville “Jinky” Luistro matapos isumite ang committee report at binalangkas na impeachment articles.
“Ang sabi nila diyan, before the plenary vote, the House members should be provided with a copy of the committee report, the resolution and the articles of impeachment, most especially the articles of impeachment and the attached evidence,” wika ni Luistro.
“They should be given reasonable time to read and study the same before the plenary vote. That’s part of due process na napag-aralan,” dugtong ng lady solon.
Una nang kinatigan ng lahat ng miyembro ng Justice panel ang committee report na naglalaman ng consolidated articles base sa dalawang impeachment complaints nitong nakaraang Lunes, Mayo 4.
Ayon kay Luistro, matapos na mai-refer ng Committee on Rules ang articles of impeachment sa plenary, bibigyan ng sipi ang lahat ng 318 kongresista ng Kamara, ang vice president bilang respondent, gayundin ang mga naghain ng reklamo.
Mula sa petsa ng pagtanggap, saka pa lamang tatakbo ang limang araw na review period bilang bahagi ng paghahanda sa plenary voting sa Mayo 11.
“So if that will happen today, then we have Wednesday, Thursday, Friday, Saturday, Sunday. I think five days is a reasonable period for the House members to be able to read and study,” ani Luistro.
“From my perspective as the justice chair, given the five-day period na ibibigay natin to the House members to study, I think by May 11, the plenary should be ready to vote,” aniya pa.
Punto naman ni Senior Deputy Majority Leader at Iloilo Rep. Lorenz Defensor, sadyang kailangan ang kaukulang panahon sa impeachment process kasama na rin ang pagkalap ng lahat ng impormasyon sa mga alegasyon laban sa bise presidente.
“As the constitutionally mandated body to initiate impeachment cases, the House must have all the facts on the allegations laid before it when the plenary votes — and that means the evidence cited by the complainants, the findings from the clarificatory hearings, and any official responses, rebuttals, or counter-evidence from the respondent,” diin ni Defensor.
“Sadyang matagal ang proseso ng impeachment kasi dapat mabigyan ng pagkakataon na mailatag ang ebidensya para magkaroon kami ng sapat na batayan para makaboto ng intelihente at bigyan din ng pagkakataon ang mga respondent, katulad ng vice president, na kung gusto niya sumagot ay may panahon at pagkakataon siya sumagot,” sabi pa ng Iloilo solon.
