ISANG malaking hakbang sa administrasyon ni Pangulong Ferdinand Marcos Jr. ang pagkakaroon ng provisional agreement sa matagal nang inaasam na implementasyon ng Code of Conduct sa pinag-aagawang bahagi ng South China Sea.

Ayon kay Deputy Speaker at La Union Rep. Paolo Ortega, ang deklarasyon sa pagkakaroon ng 80% sea code draft, na may basbas ng lahat ng ASEAN member states, kasama na rin mismo ang China, ay resulta ng pagsisikap ng gobyerno magkaroon ng kapayapaan at katatagan sa nasabing karagatan, kasabay sa pagsusulong ng interes ng Pilipinas at sambayanang Pilipino.

“From roughly 50% to nearly 80% provisional agreement in a single year. That is the kind of progress that speaks for itself. Under President Marcos, the Philippines has shown that determined diplomacy, backed by a clear sense of national interest, can move even the most complicated negotiations forward,” wika ni Ortega, na katawan ng distritong nakaharap sa West Philippine Sea (WPS).

Binigyang-pugay din ng ranking House official ang diplomatic gains ni Pangulong Marcos, na sa ilalim ng Philippine chairmanship ng 47th ASEAN Summit ay inaasahan ang pagpapatibay ng kasunduang magbibigay-daan sa COC.

Nakatakdang talakayin sa susunod na taon ng ASEAN ang huling yugto ng COC sa Singapore na tatayong host ng pagtitipon.

“After more than two decades of discussions, we are now approaching the final stretch of an agreement that could shape peace and stability in the South China Sea for generations. The Philippines helped bring us to this point, and that is something every Filipino can take pride in,” ani Ortega.

“Getting 11 countries to agree on the rules that will govern one of the world’s most strategically important waterways takes patience, persistence and considerable diplomatic skill. President Marcos and our negotiating team have demonstrated all three,” dugtong niya.

“Ang mahalaga, malinaw ang ating paninindigan. We are pursuing an agreement that respects international law, protects our maritime rights and promotes peace in the region. Those principles have guided President Marcos throughout these negotiations, and they will continue to guide the Philippines moving forward,” aniya pa.

Sa panig ni Deputy Speaker at Zambales Rep. Jay Khonghun, sinabi niyang ang Pilipinas ang siyang nakapaglatag ng matibay na pondasyon para makumpleto na ang South China Sea COD, na magbibigay proteksyon sa mga mangingisdang Pilipino at magpapatibay sa maritime rights ng bansa.

Ani Khonghun na kinatawan ng lalawigang nakaharap sa WPS, labis na mahalaga para sa kanila na magkaroon na pormal na kasunduan hinggil sa pinagtatalunang teritoryo sa karagatan.

“For us in Zambales, the West Philippine Sea is not just about territory. It is about the livelihood and safety of our fishermen and the future of our coastal communities,” pagbibigay-diin niya.

“That is why we support our government’s efforts to reach an agreement that protects our rights and promotes peace and stability in the region.”

Nagpahayag naman si Khonghun ng suporta sa hakbang ng Department of Foreign Affairs (DFA) na tiyaking ang mabubuong Code of Conduct ay naaayon sa international law, partikular sa United Nations Convention on the Law of the Sea o UNCLOS.

Umaasa rin siya na ang mga nalalabing isyu ay mareresolba sa lalong madaling panahon sa pamamagitan ng patuloy na diaalogo at kooperasyon.

Leave a Reply

Your email address will not be published. Required fields are marked *