.. 
ANG pangarap na pwesto ng ibang politiko, bangungot naman para sa dalawang partylist congressman na kapwa nagbitiw bilang mga miyembro ng Kamara de Representantes.
Sa pagbubukas ng sesyon, magkahiwalay na naghain ng resignation sina partylist Rep. Nathaniel Oducado (1Tahanan) at partylist Rep. Franz Vincent Legazpi (Pinoy Workers).
Ayon kay House Deputy Majority Leader at Zamboanga Del Sur Rep. Jeyzel Victoria Yu, kapwa hiniling nina Oducado at Legazpi ang pagbibitiw bilang mambabatas.
Gayunpaman, walang sinabing dahilan sa likod ng resignation bilang mga miyembro ng Kamara.
Si Oducado ay vice chairperson ng House Committees on National Defense and Security, on Climate Change, at on Housing and Urban Development.
Samantala, si Legazpi naman ay vice chairperson ng House Committee on Land Use.
