.. 
PARA sa dalawang ranking officials ng Kamara, desperado na ang kampo ni Vice President Sara Duterte sa ginawang pagdulog sa Korte Suprema kung saan humiling ng temporary restraining order sa hangaring pigilan ang napipintong impeachment trial sa Senado.
“It’s panic mode now for VP Duterte. Kahit hindi pa namin nababasa ang petisyon, tiyak kami na ito’y dalawang bagay lamang: isang publicity stunt o hindi maitatagong patunay na ang kampo ni Vice President ay nasa panic mode na,” wika Ako Bicol partylist Rep. Jil Bongalon na kabilang sa mambabatas na inatasan tumayong House Prosecutor.
“The Vice President is clearly rattled. Her desperation is showing, and no amount of political maneuvering can hide it,” bulalas naman ni House Assistant Majority Leader Jude Acidre ng Tingog partylist group.
Giit ni Bongalon, ang impeachment ay isang prosesong pampulitika at hindi saklaw ng hudikatura.
“There is a reason for this. As ordained in the Constitution, impeachment is an act of political justice and an exception to the judiciary’s monopoly on deciding cases. Impeachment is purely a political exercise,” sabi pa ng Bicolano solon.
Inakusahan ni Bongalon ang kampo ni Duterte ng paggamit ng mga taktika upang maantala ang proseso at mapigilan ang Senado na magsagawa ng paglilitis kung saan maingat na susuriin ang mga ebidensya.
“In their utter desperation, the Vice President’s camp is throwing the proverbial kitchen sink to stop the inevitable—for the Senate to commence trial and for the public to finally see the overwhelming and damning evidence against her,” dagdag ng Ako Bicol Partylist congressman.
Sa panig ni Acidre, sinabi niyang may rason kung bakit dapat matakot si Duterte dahil handang-handa ang House prosecution panel, bitbit ang mga matitibay na ebidensya para isakdal at mapanagot ang bise-presidente.
“And the Filipino people are watching. A recent survey shows that 73 percent believe she must face a Senate trial for her alleged role in a plot against President Ferdinand R. Marcos Jr., First Lady Liza Araneta-Marcos, and Speaker Ferdinand Martin G. Romualdez,” sambit ng partylist solon
“She should be scared—because the truth is closing in, and no amount of deception will save her from it.” (ROMEO ALLAN BUTUYAN II)
