.. 
SA halip na ipautang sa mga government employees na nalugmok ng mga nagdaang kalamidad, isinugal sa isang online gambling platform ng Government Service Insurance System (GSIS) ang hindi bababa sa P1 bilyong pondo ng ahensya.
Sa isang privilege speech, partikular na tinukoy ni Senador Risa Hontiveros ang paglalagak ng GSIS ng salaping mula sa buwanang butaw ng mga empleyado ng gobyerno sa DigiPlus.
Ayon kay Hontiveros, nangyari ang paglalagak ng pondo sa DigiPlus sa panahon ng panunungkulan ng ngayo’y suspendidong GSIS President na si Jose Arnulfo “Wick” Veloso noong pumalo sa P65.30 ang bawat sapi ng online gambling platform.
“Those shares have since hit a low of P13.68. Lugi na,” ayon sa senador.
“In the first place, what was GSIS thinking, investing funds in online gambling? Eh, tayo nga po, mga kasamang nagtatrabaho sa gobyerno, ni hindi pwedeng tumungtong sa casino lalo na hindi pwedeng magsugal doon. Kaya bakit ang GSIS, todo taya, at ginawang puhunan ang pera ng public employees sa sugalan,” dagdag ng senador.
Paniwala ni Hontiveros, may “pattern of reckless and questionable investment decisions” ang kasalukuyang liderato ng GSIS.
“The guardrails we have put in place to guide and protect GSIS investments are seemingly being breached,” aniya.
Nitong Hulyo, sinuspinde ng Office of the Ombudsman si Veloso at anim pang opisyal ng GSIS nang walang sahod sa loob ng anim na buwan sa gitna ng imbestigasyon sa P1.4-billion deal sa Alternergy.
“The Ombudsman found sufficient grounds to suspend Veloso and six other GSIS officials, considering that there is strong evidence showing their guilt” of possible grave misconduct, gross neglect of duty, and violation of reasonable office rules and regulations over the P1.4 billion stock purchase from AlterEnergy Holdings Corporation.”
Bukod sa dalawang pamumuhunan, may iba pa aniyang nakitang “red flags” ang kanyang tanggapan sa mga kasunduang pinasok ng GSIS.
“Glaringly, Alternergy’s market capitalization was far below the P15 billion minimum reportedly required under GSIS policy for investible companies. The shares were not even listed with the Philippine Stock Exchange on the dates of the execution of the agreement and the payment of the subscription,” ayon kay Hontiveros.
“Even worse, Alternergy also appears to be ‘highly overleveraged.’ Simply put, they have too much debt, with a debt-to-equity ratio of 194% and a dangerously low interest coverage rate. Paano nakapagdeklara ng P40 million cash dividend ang kompanya na iyan, eh puro sila utang, at in financial distress na?” himutok ng senador.
Panawagan ng mambabatas, isang “senate investigation in aid of legislation” sa mga naturang insidente kasabay ng giit para sa pagrerebisa ng patakaran, at panuntunan sa pamumuhunan ng GSIS.
“We should strengthen GSIS’s investment policy compliance and oversight. We should increase transparency and accountability in their investments. And we should plug policy gaps and clarify ambiguities,” aniya.
“Ang pensyon ng pampublikong sektor, hindi pang sugal. GSIS should not waste or gamble away the future of those who serve our nation,” pahabol ng senadora. (ESTONG REYES)
