Estong Reyes 
HINDI na nagawa pang pigilan ni Acting Senate President Pro Tempore Sherwin Gatchalian ang pagdaraos ng pagdinig sa flood control scandal ng Senate Blue Ribbon Committee na pinamunuan ni Senador Pia Cayetano.
Nitong Huwebes ng umaga, pormal na binuksan ni Pia ang pagdinig kasama sina Senate President Alan Peter Cayetano, Senador Imee Marcos at Rodante Marcoleta na itinalaga bilang chairman ng binuong blue ribbon subcommittee.
“The Blue Ribbon Committee hearing is now called to order. Magandang umaga po sa inyong lahat Let me start by thanking every single person here. I’d like to thank the staff and our media friends for allowing this event to take place. The reason why I have to thank all of you is because dun sa first floor, may mga nagsasabing hindi pa papasukin ang resource persons natin,” wika ni Pia.
Bago pa man nagsimula ng pagdinig, naglabas ng memorandum si Gatchalian sa mga kawani ng senado. Sa naturang memorandum, inatasan ang mga empleyado na umuwi na lamang at gawin ang nakabinbin trabaho sa bisa ng “work-from-home” modality.
Dito na sinundo ni Pia ang ilang resource person na pilit hinaharang umano ng Office of the Sergeant-At-Arms (OSAA). Ang dahilan — walang “Visitors Management System” QR Code.
“So kailangan ko po silang sunduin… nung sinundo ko naman ang ating staff doon maayos naman. Humihingi lang ng mga pangalan mag-register daw sila as guests, sabi ko they’re our guests so walang problema, pinapasok ko sila maraming salamat sa inyo,” ayon kay Pia.
“Our media friends, you’re always welcome to cover pasensya na na parang nagkaroon ng konting gulo but definitely we do not in any way intend for any of you not to be able to cover our events here in the Senate anytime. On that note, nagulat lang ako kasi maayos naman. Sabi ko doon sa ating mga resource person ‘halika na, sinusundo ko kayo. Let’s go in.’ Nagulat na lang ako na nakita ko doon si Secretary Jonvic Remulla hinaharang ako,” kwento ni Pia.
“I never thought the day would come that somebody would prevent me from entering the Senate. This is my office. Again, thank you. Di ko akalain na yung Senate staff, yung media, dahil nakasama na kayo doon, kayo pang nakatulong na makarating ako dito sa hearing na ito. This is the Senate. This is the halls of democracy. We will hold our hearing and we will continue,” paliwanag ng senadora.
Wala pang pahayag ang tanggapan ni Senador Erwin Tulfo na itinalaga bilang bagong blue ribbon committee chairman ng grupo ni Gatchalian.
