Estong Reyes 
PARA kay Senador Francis Escudero, hindi katanggap-tanggap na isantabi ang mandato ng senado dahil lang sa politika.
Sa isang kalatas, ipinagtanggol ni Escudero ang ginawang paglundag sa bakod ni acting Senate President Pro-Tempore Sherwin Gatchalian.
Ayon kay Escudero, ang pagkakaroon ng “12 simple majority” ang tanging paraan para magtuloy-tuloy ang trabaho ng mataas na kapulungan.
“When political divisions become too extreme and obstruct our mandate, we must all have the courage to pause, gain perspective, reflect, consider and realize that we should put the Senate, as the institution that we serve, above ourselves,” wika ni Escudero.
Aniya, hindi paligsahan sa larangan ng pulitika ang kanyang ginawang hakbang, kasabay ng giit na higit na angkop isaalang-alang ang integridad ng kongreso nang walang pinapanigan.
“Hindi ito usaping pampulitika. Wala akong sinasamahan o iniiwanang grupo, pangkat o paksyon. Hindi ko sinasabi na may mali o tama o may nagkulang o nagmalabis kaninuman. Ngunit hindi pwedeng manatili tayo sa ganitong sitwasyon. Ang naapektuhan na ay ang mismong kakayahan ng Senado na gampanan ang kanyang tungkulin sa bayan,” paliwanag ni Escudero.
“Ito ang rason at dahilan ng aking pasya. Hinihiling ko ang inyong pag-unawa sa amin, kasabay ng inyong panalangin para sa inyong Senado na malampasan ang hamon na ito at patuloy na magampanan namin ang aming tungkulin sa inyo at sa sambayanan,” dagdag ng senador.
Kasabay nito, nagpahayag naman ng malalim na pagpapasalamat si kasalukuyang Senate Majority Leader Juan Miguel Zubiri kay Escudero saka kinomendahan ang kanyang tapang at paninindigan na pumunta sa plenaryo at harapin ang isyu na kinakaharap ng institusyon.
“His action sent a clear message: that his commitment to the country, to the Senate, and to the Constitution would prevail above all else,” ayon sa joint statement ng grupo ni Gatchalian na binasa ni Zubiri.
“His presence enabled the Senate to proceed with the discussion of matters that are too important to be left unresolved and too consequential to be set aside,” ayon kay Zubiri.
Ipinagtanggol din ni Zubiri ang isyu ng quorum na hindi naman “uncharted matter.”
“The Supreme Court, in Avelino v. Cuenco, recognized the principle that a quorum of 12 is determined based on the number of members who are legally able to discharge the functions of the Senate,” ayon kay Zubiri.
Taong 2015 aniya nang kilalanin ng Senado ang 12 senador na nasasakop ng kanilang hurisdiksyon.
“The Senate continued to perform its constitutional duties because the work of government could not be placed on hold,” ayon kay Zubiri.
“At a time when the nation faces pressing challenges, the Filipino people expect their Senate to work, deliberate, and fulfill its constitutional mandate. The institution cannot remain stalled by disagreements or uncertainty. Our duty is clear: to legislate, provide oversight, and serve the public interest,” giit pa ng senador.
“The Filipino people deserve a Senate that shows up, does its job, and places public service above politics. It is time for the Senate to move forward and get back to work for the Filipino people,” pahabol ni Zubiri.
