ANG bawat patak ng gasolina mahalaga sa pagtugon sa tawag ng saklolo, ayon kay Brig. Gen. Christopher Abrahano na tumatayong Director ng National Capital Region Police Office (NCRPO). Sa isang panayam, binalaan din ni Abrahano ang lahat ng NCRPO personnel laban sa hindi awtorisadong paggamit ng police vehicles, gayundin ang pagkakarga ng gasolina o krudo sa mga pribadong sasakyan ng mga pulis. Bilang pambungad, inatasan ni Abrahano ang lahat ng police districts at units na palakasin ang monitoring sa pag-isyu ng gas stubs, konsumo ng bawat sasakyan ng pulisya at dispatch records para tiyakin na pawang may kinalaman sa trabaho ng pulis ang bawat biyahe gamit ang PNP vehicles at government fuel. Babala pa ng heneral, mananagot ang sinumang mapapatunayan gagamit ng PNP vehicles sa mga personal na lakad. Mananagot din aniya ang hepe sa anumang hindi pangkaraniwan o hindi maipaliwanag na pagkonsumo ng gasolina. “Government fuel is not personal fuel, and police vehicles are not for personal use. These are public resources entrusted to us to serve the people. Anyone who misuses them will be held accountable.” “There will be no special treatment. Regardless of rank, anyone who misuses government resources must answer for it. Every liter of government fuel and every police vehicle must serve its intended purpose—protecting the people and maintaining peace and order in Metro Manila,” pahabol ng NCRPO chief. Facebook Twitter/X LinkedIn Post navigation Tabon-lupa sa Laguna Lake, inawat ng LLDA
