PCC ruling kontra onion cartel, tinukuran ng solon

MALUGOD na tinanggap at pinapurihan ni House Committee on Agriculture and Food Chairman at Quezon 1st District Rep. Mark Enverga ang desisyon ng Philippine Competition Commission (PCC) laban sa anim na kumpanya na napatunayang sangkot sa cartel activities para sa suplay ng sibuyas sa bansa.

“We welcome and commend the Philippine Competition Commission (PCC) for finding six firms and their responsible officers liable for cartel activities in the onion industry and imposing a record ₱1.76 billion in fines,” bungad na pahayag ni Enverga. 

“Malaking hakbang ito para mapanagot ang mga responsable at isang mahalagang tagumpay para sa ating mga magsasaka at mamimili na labis na naapektuhan ng manipulasyon sa suplay at presyo ng sibuyas,” dugtong ng mambabatas.

Sa nakaraang 19th Congress, nakapagsagawa ng 12 masusing pagdinig ang naturang komite kaugnay ng naganap na krisis sa sibuyas kung saan umabot ng hanggang P800 ang presyo nito kada kilo noong huling bahagi ng 2022.

“The investigation uncovered an alleged network of traders and companies linked to Lilia “Leah” Cruz, known as the “Sibuyas Queen,” involved in onion importation, cold storage and distribution. We recommended the filing of appropriate charges against those responsible, including possible government accomplices,” ani Enverga.

“Our sincere gratitude goes to former Congresswoman Stella Quimbo, our late colleague Congressman Elpidio “Pidi” Barzaga Jr., and all members of the House Committee on Agriculture and Food for their dedication and invaluable contributions to the investigation.” 

Para kay Enverga, dapat lang sampahan ng kasong kriminal ang lahat ng sangkot sa hoarding at price manipulation ng mga produktong agrikultura.  

“Hindi dapat magtapos sa mga multa ang usapin. Dapat managot nang lubusan ang mga sangkot” hirit ni Enverga.

“Patuloy na maninindigan ang Kamara, sa pamamagitan ng Committee on Agriculture and Food, laban sa mga kartel sa agrikultura. Patuloy natin poprotektahan ang ating mga magsasaka at mamimili, itataguyod ang patas na kalakalan, at sisikapin mapanatiling abot-kaya ang presyo ng pagkain para sa bawat pamilyang Pilipino.”