PARA kay House prosecution spokesperson at Lanao del Sur Rep. Zia Alonto Adiong, ang pagkukumahog ng depensa sa pabago-bagong estratehiya ay isang indikasyon na nasa ‘panic node” na ang kampo ni Vice President Sara Duterte. “In my own observation, it only manifests how the defense is now panicking. They’re trying to re-strategize again their initial, probably initial attempt to attack the case of the prosecution,” wika ni Alonto Adiong. Pag-amin ni Alonto Adiong, hindi inaasahan ang desisyon ng depensa na i-atras ang pagsalang sa witness stand ng mga naunang testigong nakatakda sanang iprisinta sa Senate impeachment court para kontrahin ang mga ebidensya at testimonyang inilatag ng prosekusyon. Binanggit din ni Alonto Adiong ang testimonya ng apat na defense witnesses. Aniya, hindi pumabor sa kampo ni Duterte ang salaysay ng mga ipinrisintang testigo. Katunayan aniya, mas pinalakas pa ng salaysay ng defense witnesses ang argumento ng prosekusyon hinggil sa usapin ng unexplained wealth, conflict of interest at Statement of Assets, Liabilities and Net Worth (SALN) ni Duterte. “So, instead of proving the case of the defense that the Vice President did not commit any impeachable offense, it actually went the other way around. It was to the advantage of the prosecution,” ani Alonto Adiong. Sa panig ni House prosecution legal spokesperson and counsel Jay Tolosa Jr., sinabi niyang maging siya ay nasorpresa sa ginawa ng depensa. Paliwanag ni Tolosa, 16 witnesses ang inaasahang ipiprisinta ng mga abogado ng bise presidente sa impeachment court, subalit nagpasya hindi na ituloy ang 15 bago muli ipabatid sa korte na hindi na rin ipapatawag ang isang bank witness. “Even if they were here already, nagkaroon ng desisyon, dispense with 15, isa na lang matitira,” saad pa ni Tolosa. Facebook Twitter/X LinkedIn Post navigation Abogadong testigo ng depensa, ginisa ng prosekusyon
