.. 
HAYAGANG ibinunton ng pamahalaan kay former President Rodrigo Duterte ang paglobo ng utang ng Pilipinas dahil di umano sa kabiguan ng nakalipas na administrasyon maglaan ng pondo para debt servicing sa loob ng anim na taon.
Sa ginanap na deliberasyon ng Kamara panukalang P6.352 trillion national budget, sinabi ni Finance Secretary Ralph Recto na lumaki ng husto ang pagkakautang ng bansa dahil hindi pa nababayaran ang inutang ng Duterte administration noong nakaraang pandemya.
“It is also important to note that while we are making these investments, we’re also paying off the pandemic borrowings we inherited from the past administration. In 2019 when the country achieved its lowest debt-to-GDP ratio, the total nominal debt was only P7.7 trillion, but this figure nearly dou-bled to around P13.4 trillion right after the pandemic just as the Marcos Jr. administration took over,” wika ni Recto.
“And because of all these geopolitical tensions the cost of our borrowing has climbed post-pandemic, as central banks have raised their interest rates to combat inflation. Therefore, we are now refinancing the large borrowings contracted during the low-interest rate period in 2020 to 2022 with new debts at their higher interest rates. This is why our interest payments next year are higher by around 11 percent.”
Pag-amin ng Kalihim, bahagyang tumaas sa 60.6 percent ang debt-to-GDP ratio.
Gayunpaman, kumbinsido naman ang DOF chief na bababa sa 56.3 percent ang debt-to-GDP ratio pagsapit ng taong 2028, kung saan ang utang ng bansa ay papalo na sa P20.7 trilyon habang inaasahan aabot sa P36.9 trilyon ang GDP ng bansa.
Sa kabila ng pamamaga ng utang ng bansa, nanindigan si Recto na walang dapat ikabahala ang mga mamamayan lalo pa aniya’t sumasabay naman di umano ang paglago ng ekonomiya ng Pilipinas.
“Sa unang tingin, tila napakalaki ng ating utang na umabot ng trilyon. Pero, uulitin ko, hindi po tayo dapat mabahala dito. Dahil hindi nasusukat ang utang ng isang bansa base sa pagtingin lang sa aktwal na laki nito.”
