Foreign funding kay Sara ilalantad sa AMLC record

PIHADONG malalantad ang pagiging ‘makapili’ ni Vice President Sara Duterte sa sandaling simulan ng impeachment court ang pagtalakay sa “foreign-funded sources” na nakapaloob ng impormasyong nakalap ng Anti-Money Laundering Council (AMLC).

Partikular na tinukoy ni prosecution legal spokesperson and counsel, Atty. Jay Tolosa Jr., Article II kung saan nakapaloob ang umano’y pagpasok ng “foreign funds” sa bank account ni Duterte at asawang Atty. Mans Carpio.

“May narinig na tayo doon pertaining to funds from foreign sources coming into the bank accounts of the Vice President or her husband or companies where they have interest in. So, ’yan ho I’m sure, ’yung aabangan natin, since Senator [Antonio] Trillanes [IV] spoke about this matter during his press conference,” saad pa ni Tolosa.

Una nang isiniwalat ni Trillanes ang umano’y pumasok na P319 million sa bank account ng Calle88 Foods Corp — na sinasabing pagmamay-ari ni Carpio – mula sa China-linked sources. 

Bukod kay Carpio, nagpadala din umano ng P150 million ang China Embassy sa bank account ng pangalawang pangulo.

Bagamat hindi naiprisinta sa paglilitis ang mga alegasyon ni Trillanes, posible pa rin naman aniyang makumpirma ang naturang impormasyon sa AMLC record.

“So tingnan natin kung dito sa pagtetestigo ng AMLC, makikita din natin ’yan,” sambit pa ni Tolosa.

Nanindigan naman ni Tolosa na may sapat na kapangyarihan ang impeachment court na busisiin ang mga dokumento ng AMLC, kabilang ang mga ebidensyang gagamitin ng prosekusyon laban kay Duterte.

“As pointed out na ’yan doon sa hearings, kung nga even to foreign counterparts, pwedeng mag-share ang AMLC, eh all the more na pwedeng mag-share ng ganitong mga documents sa constitutional institution ng impeachment court,” anang private prosecutor.

“Ang reason nga doon, with respect to AMLC records, wala naman absolute prohibition under the applicable laws that could prevent the impeachment court from issuing subpoena to compel the presentation of these documents,” dagdag niya.