Romer Butuyan 
KUMBINSIDO ang mga miyembro ng House prosecution panel na maganda para sa kanilang panig ang unang linggo ng paglilitis kay Vice President Sara Duterte.
Sa isang pulong-balitaan, partikular na tinukoy ni San Juan City Rep. Ysabel Maria Zamora ang ginawang paglalatag ng House prosecution panel ng Article 4 sa alegasyong betrayal of public trust sa likod ng grave threat ng bise presidente sa lider ng bansa.
“I would say that it was a good week for the prosecution,” ani Zamora.
Kinatigan naman ni former Surigao del Norte Rep. Robert Ace Barbers na tumatayong adviser ng lupon ng tagausig, ang pahayag ni Zamora. Aniya, maaga pa para may masabi kung sino ang nakaungos at kung may nalampaso sa naidaos na paglilitis.
“Umpisa pa lang naman ng ‘boxing’, ika nga. Kumbaga kung sa basketball, first quarter pa lang ito,” ani Barbers.
Sumegunda rin si House impeachment prosecutor at 1-Rider partylist Rep. Rodge Gutierrez.
“I think we’ve noticed that since day one, medyo if we look at public perception, naging tally na yung nangyayari dito, nagbibilangan ng puntos kumbaga,” bungad ni Gutierrez
“But I think it’s very important to remember that this is not the process — the whole process of impeachment trial. It’s not about yung paramihan ng mga motion that was granted, or paramihan ng mga puntos na binibilang ng ating mga kababayan na nanonood,” giit niya.
“It’s actually about the quality of the questions that are being asked… The question really ultimately is whether or not, at the end of the day, evidence is left standing. So it’s all about whether the foundation of the evidence is set, is laid out properly, and that the evidence is laid out in a clearly understood manner,” dagdag niya.
Sa huli aniya, nasa senator-judges at hindi sa prosecution o defense ang pagpapasya kung matagumpay na nailatag ng tagausig evidentiary foundation.
“As to whether or not that was achieved for the prosecution this week, we cannot say. Of course, that’s on the merits, and it’s up to our senator-judges. We don’t want to, we wouldn’t want to say anything that would tend to prejudge the case, but all we can say is that, like Attorney Zamora, like Cong. Zamora said, it was a good week for the prosecution.”
