.. 
LALONG numinipis ang posibilidad na makalaya pa ang tinaguriang pork barrel queen matapos maglabas ng hatol sa kasong graft ang Sandiganbayan kaugnay ng Priority Development Assistance Fund (PDAF).
Bukod kay Napoles, sapul din sa Sandiganbayan 7th Division si Muntinlupa Mayor Ruffy Biazon.
Sa desisyon ng Sandiganbayan, pinatawan ng karagdagang anim hanggang walong taon pagkakulong ang negosyante si Janet Napoles na di umano’y sangkot sa P2.7 milyon PDAF Priority Development Assistance Fund (PDAF).
Kasama rin sa sinentensiyahang makulong ng anim hanggang walong taon sina dating Technology Resource Center (TRC) Deputy Director General Dennis L. Cunanan, Group Manager Maria Rosalinda M. Lacsamana, at isang Evelyn De Leon.
Sina Napoles ay napatunayang guilty sa kasong graft bunsod ng paglabag sa Section 3(e) ng Republic Act No. 3019, ang Anti-Graft and Corrupt Practices Act.
Ang hatol ay nakasaad sa 191-page decision ng Sandiganbayan na isinulat ni Associate Justice Zaldy Trespeses na sinang-ayunan naman ng Special Seventh Division Chairperson at Associate Justice Ma. Theresa Dolores Gomez-Estoesta at Associate Justice Georgina Hidalgo.
Samantala, abswelto naman sa asunto sina former Department of Budget and Management (DBM) undersecretary Mario Relampagos, group manager for Corporate Support Services Francisco Figura, internal auditor Maurine Dimaranan at budget officer Consuelo Lilian Espiritu dahil sa kakulangan ng ebidensya.
Sa kaugnay na balia, nakatakdang maghain ng apela si Biazon.
