.. 
ISANG linggo matapos magpataw ng dagdag-presyo, rollback naman ang anunsyo ng Department of Energy (DOE) pagsapit ng Martes.
Sa pagtataya ni DOE-Oil Industry Management Bureau Assistant Director Rodela Romero, bahagyang makakabawi ang mga motorista sa bigtime oil price rollback batay sa galaw ng oil trading sa pandaigdigang merkado sa mga nakalipas na araw.
Ayon kay Romero, P1.15 hanggang P1.35 per liter ang posibleng tapyas sa presyo kada litro ng gasolina, habang P2.00 hanggang P2.20 naman per liter sa krudo at P1.90 hanggang P2.00 per liter sa kerosene na karaniwang gamit sa pagluluto.
“Based on the relevant news for this week, poor global demand remains one of the main drivers that makes the market bearish,” wika ni Romero.
“Added to it are the Israel Gaza ceasefire talks that ease supply fears and the production recovery support from Libya’s Sharara Oilfield,” aniya pa.
Sa kasalukuyang taon, umabot na sa P8.05 per liter ang kabuuang itinaas sa presyo ng gasolina, at P5.95 per liter naman sa krudo. Nagkaroon naman ng bawas sa presyo ng kerosene na umabot sa kabuuang P2.15 per liter.
