.. 
Ni ESTONG REYES
PARA kay Senador Nancy Binay, malinaw na banta sa seguridad ng bansang Pilipinas ang nabistong special visa na iginawad pamahalaan sa mga Tsinong napag-alamang mga miyembro ng Chinese mafia.
Apela ni Binay sa Philippine Retirement Authority (PRA), maging mapanuri sa pagbibigay ng special resident retirement visa (SRRV) sa mga foreign retirees, kasunod ng pagdakip sa apat na miyembro ng Chinese mafia na pawang nakunan ng genuine passports at SRRV.
“Nakakabahala talaga since these foreign nationals enter and exit the country using valid documents that we know were obtained through illicit ways,” ayon sa senador.
“We expect NICA to help assess the scale of fraud perpetrated by these syndicates, and check the addresses and contact numbers provided in their ‘valid’ documents,” giit pa niya.
“Visa fraud and fake identities adversely impact national security. What’s largely alarming is the PRA policy of allowing Chinese SRRV applicants who are 35 years old, which can be categorized as soldier’s age,” dugtong ni Binay.
Hirit ng mambabatas, metikulosong pagrerebisa ng mga sinusumiteng aplikasyon para sa pananaliti sa PIlipinas.
“Dapat merong security measures at dapat higpitan ang vetting process ng mga applications regardless of nationality, paliwanag pa ni Binay.
Taong 2023 nang dakmain ng National Bureau of Investigation (NBI) ang isang PRA official sa pagbibigay ng “unwarranted SRRV cards” sa mga piling dayuhan.
