.. 
LUBHANG delikado para sa mga residente ng Barangay Balud sa bayan ng Tanauan sa lalawigan ng Leyte ang pananatili sa kani-kanilang tahanan matapos bumigay ang isang flood control project bunsod ng tuloy-tuloy na buhos ng ulan.
Pag-amin ni Jimmy Varona na tumatayong chairman ng Barangay Balud, nasa 300 metro na konkretong bahagi ng flood control project sa kanilang lugar ang nawasak noong ika-6 ng Enero.
Nagpahayag din ng agam-agam si Varona sa kapakanan ng mga nasasakupan, lalo pa’t patuloy umano ang pag-ulan sa kanyang pamayanan. Naniniwala naman ang mga residente ng naturang barangay na wala sa ayos ang flood control project na umano’y ginamitan ng “ga-tingting na kabilya, at layo-layo pa ang distansya.”
Sakop ng distrito ni dating House Speaker Martin Romualdez ang Barangay Balud.
