NANINDIGAN ang House prosecution panel na obligasyon ni Vice President Sara Duterte ideklara sa taunang Statement of Assets, Liabilities and Net Worth (SALN) lahat ng ari-arian nilang mag-asawa. Ayon kay Counsel for the prosecution Atty. Lorna Kapunan, walang pagkakaiba sa “real property” na pag-aari o nakapangalan sa isa man sa mag-asawa pagdating sa pagsusumite ng SALN. Sa ilalim ng batas, ang lahat aniya ng ari-arian ng mag-asawa kahit pa sa panahong hindi sila kasal at nabili noong pagkatapos ng kasal ay itinuturing na “conjugal property.” “If you got married before 1988, it is conjugal. However, if you got married after 1988, it is an absolute community. The difference for conjugal is that the property registered to one person is personal property, while the income generated from it is conjugal property,” paliwanag pa ni Kapunan. “So, even if hindi nakalagay specifically owned by Sara Duterte, maski na wala ‘yung pangalan ni Mans (Manases Carpio), kunwari ‘yung property na ‘yan, Sara Duterte lang, wala si Mans or Mans, wala si Sara, it’s still presumed absolute community,” dagdag niya. Kaugnay naman sa impeachment trial ng bise presidente, sinabi ni Kapunan, na ang bawat isa sa mga property — kesehodang aktwal na pag-aari ni Duterte o ni Carpio, ay dapat nakadeklara sa SALN ng bise presidente. “Regardless of whether eight million ba ‘yan, six million ba ‘yan, one point something million, that has nothing to do with the amount and everything to do with the non-disclosure of that real property in the SALN, which is subscribed and signed, meaning everything there is true, true and accurate,” aniya. Ang hindi aniya pagtalima ay sapat na batayan sa pagsasampa ng kasong perjury. Kumpiyansa naman si House lead prosecutor at Batangas Rep. Gerville Luistro na napatunayan ng prosekusyon sa pagrisinta sa Land Registration Authority officials mula Davao City at Island Garden of Samal na may dalawang lote ang hindi kasama sa SALN ni Duterte. “I believe that the prosecution was able to establish that these two properties, described by TCT number and by its location, one is in Samal and the other is in Matina, apparently does not appear or do not appear in the SALN of the respondent Vice President,” sabi pa ng Batangas lady solon. Isinantabi naman ni Luistro ang argumento ng defense panel na ang loteng nakapangalan kay Carpio sa Matina ay nakadeklara sa SALN ni Duterte. “If it is covered by a title, you have to indicate the TCT number. If it is a tax declaration, you have to indicate the TD number. So, since the TCT number of these two properties do not appear in the SALN, for the prosecution it is a clear establishment already that it’s not in the SALN, without making conclusion of fact or conclusion of law,” punto ni Luistro. “Ang question lang, ‘yung bang dalawang TCT number na ‘yun, nakita sa SALN? I think the answer is no.” Facebook Twitter/X LinkedIn Post navigation Pasabog ni Trillanes, hindi pwede isnabin – Barbers Burden of evidence nasa panig na ng depensa — Atty. Kapunan
