MATAPOS ang iprisinta ang mga dokumento at testigo, nasa mga abogado na ni Vice President Sara Duterte ang pagkakataon pasinungalingan ang ebidensya at testimonya kaugnay ng yaman na hindi idineklara ng pangalawang pangulo sa isinumiteng Statement of Assets, Liabilities and Net Worth (SALN). “Linawin natin na ang prosecution, wala na ang burden of proof sa amin. Burden of evidence nasa kanila,” pahayag ni Counsel for the prosecution Atty. Lorna Kapunan “Sa mga prinisenta na testimony at documents at witnesses ng prosecution dito sa article na ito ay nag-shift na ‘yung burden of evidence,” wika ni Kapunan. Partikular na tinukoy ni Kapuna ang Article II ng Impeachment charges, na nag-aakusa kay Duterte ng betrayal of public trust at paglabag sa Constitution dahil sa unexplained wealth at sinasabing hindi pagdedeklara ng tama ng SALN nito. “Kagaya nang ipinakita ng prosecution na hindi nila dineclare sa SALN ‘yung properties na ‘yan. So, who has the burden of evidence? Sila! Sila ang magpatunay na nandun, ‘di nyo lang nakikita. siguro nandun, ‘di niyo lang nakikita, iba ‘yung address,” paglalahad pa ni Kapunan. “Pati ‘yung firearms na ‘yan, sabi nila P7 million lang ‘yan. Hindi ‘yun. Seven million pero 51 firearms, hindi mo dineclare sa personal assets. Oh ‘di burden of evidence nasa inyo. Patunayan nyo na honest mistake, good faith. Kasi ngayon ipinapakita ng prosecution na talagang itinago niyo or hindi niyo dineclair sa SALN niyo,” dugtong niya. “So, the evidence now has shifted to their side. So on the part of the prosecution, nagagalak kami na nandyan na, nakalantad na ang evidence ng prosecution. Sila na ngayon ang burden of evidence to disprove us,” pagtatapos ng veteran lady litigator. Facebook Twitter/X LinkedIn Post navigation Gov’t officials, obligado ideklara lahat ng yaman Bandila ng China iwinagayway sa Bajo de Masinloc
