PARA kay former Surigao del Norte Rep. Ace Barbers, hindi biro ang mga ibinunyag ni dating Senador Antonio Trillanes IV hinggil sa financial transactions and corporate interests ni Vice President Sara Duterte at pamilya. Sa isang kalatas, nanawagan si Barbers, na tumatayong House prosecution adviser at spokesperson, sa impeachment court na seryosohin at busisiin ang bawat detalye ng alegasyon. “The disclosures made today (Friday) by former Senator Antonio Trillanes IV deserve serious attention,” wika ni Barbers. “Senator Trillanes did not merely give us accusations. He identified a financial trail. And portions of that trail have already been independently corroborated by official records,” dugtong ng dating kongresista. Ayon kay Barbers, ang 19 transactions na “randomly selected” mula sa annexes ng sworn affidavit ni Trillanes sa April 22 House Committee on Justice hearing ay tumutugma lahat sa Anti-Money Laundering Council (AMLC) records. “Nineteen out of nineteen transactions checked had corresponding transactions in the AMLC records. Not one. Not two. Nineteen out of nineteen,” ani Barbers. “That is why Senator Trillanes was on our original witness list. Subsequent official records have provided independent corroboration for significant portions of that trail.” aniya pa. Sinabi ni Barbers na kahit hindi na humarap sa impeachment trial si Trillanes, mananatiling matibay ang nilalaman ng AMLC records, bank transactions, maging ang mga ebidensya mula sa Securities and Exchange Commission (SEC) at sa mismong Statement of Assets, Liabilities and Net Worth (SALN) na isinumite ni Duterte. Kabilang sa mga “masustansyang” bahagi ng pasabog ni Trillanes ang transaksyon sa pagitan ng Duterte family at businessman Samuel “Sammy” Uy; corporate records ng Gencorp Industries Inc., Metro City Chow Foods Corporation at iba pang kaugnay na negosyo at ang financial activity ng Cale88 Foods Corporation kung saan naging 40 percent shareholder ang asawa ng bise presidente, na si Atty. Manases “Mans” Carpio. Partikular na tinukoy ng dating senador ang P319-million plus na pumasok sa account ng Cale88 mula sa Chinese government at China-based corporations. “Senator Trillanes did not merely give us accusations. He identified a financial trail. And portions of that trail have already been independently corroborated by official records,” diin ni Barbers. “Ang tanong ngayon ay hindi kung paniniwalaan ba si Trillanes. Ang tanong ay — Ano pa sa mga inilantad niya ang mapapatunayan ng mga opisyal na rekord?” “Sundan ang pera. Sundan ang mga dokumento. Ihambing sa SALN. At hayaang ang opisyal na rekord ang magpatunay kung saan hahantong ang ebidensya,” pahabol ng former congressman. Facebook Twitter/X LinkedIn Post navigation Negosyo ni Mans Carpio ‘binuhusan’ ng China?
