Pondo para sa libreng kolehiyo, ibinaba na sa mga SCUs

BINIGYANG katuparan ng pamahalaan ang isinusulong na libreng pag-aaral sa kolehiyo sa bisa ng isinagawang turn-over ceremony ng pondo sa iba’t-ibang state colleges and universities and colleges (SCUs).

Ang naturang programa ay pinamunuan nina House Speaker Faustino Dy III at House Majority Leader Sandro Marcos, na ginanap sa Andaya Hall para sa Affirmation of Compliance and Commitment to Settle the Free Higher Education Deficiency.

Ayon kay Marcos, ang symbolic turnover ay kinapapalooban ng pagbibigay ng Free Higher Education funding sa SCUs para sa academic years 2022–2023, 2023–2024, at 2024–2025, sa ilalim na rin ng Universal Access to Quality Tertiary Education Act.

“Today is more than a symbolic turnover. Today the government is keeping its word,” mariing pahayag ng House majority leader.

Kinilala ng ranking House official ang pagsisikap ng administrasyong Marcos na maging pangunahing prayoridad ng pamahalaan ang edukasyon.

Kabilang rin sa mga pinasalamatan ni Dy sina Appropriations Committee Chairperson Mikaela Angela Suansing, Higher and Technical Education Committee Chairperson Jude Acidre, Acting DBM Secretary Kim Robert C. De Leon, CHED Chairperson and UniFAST Board Chairperson Dr. Shirley C. Agrupis, House colleagues, at partners sa CHED at UniFAST,

Ipinalalala naman ni Rep. Sandro Marcos sa mga pangulo ng SUCs na walang maliit o malaking paaralan sa hanay ng institusyong bitbit ang malaking pangarap ng mga kabataang Pilipino at dapat tiyaking ng mga ito ang patas na distribusyon ng resources para sa kapakinabangan ng bawat estudyente at matiyak din na walang maiiwan sa mga ito.

“State Universities and Colleges are not merely recipients of government funds. They are partners in nation-building,” dagdag pa niya.

“Every classroom supported, every teacher empowered, and every student who graduates brings the country closer to the future it wants. An educated nation is a nation prepared for development. Investing in education does not merely fund schools—it funds dreams, creates opportunities, and builds the country’s future.”

“As long as there is a Filipino who wants to learn, the government must never stop finding ways to help them succeed,” anang majority floor leader.

Sa kabuuang P9.75-billion allotment, aabot na sa P6.6 billion ang naiproseso at maaari nang maipamahagi sa 81 sa kabuuang 104 SUCs sa Luzon, Visayas, at Mindanao.