SA gitna ng lumalalang tensyon sa pagitan ng Pilipinas at bansang China kaugnay ng usapin sa West Philippine Sea, minabuti ni Chinese President Xi Jinping isnabin na lang ang paanyaya ni Pangulong Ferdinand Marcos Jr. sa nalalapit na 49th Asean Summit sa Maynila. Sa isang kalatas, kinumpirma ng Department of Foreign Affairs (DFA) ang pagliban ni Xi sa naturang pulong ng mga lider mula sa iba’t ibang bansa sa timog-silangang Asya. Gayunpaman, nilinaw ni DFA na magpapadala ng kinatawan ang China — si Chinese Premier Li Qiang. Ayon sa DFA, nakatanggap ng tawag si Foreign Affairs Secretary Ma. Theresa Lazaro mula kay Chinese Foreign Minister Wang Yi noong Nobyembre 3, kung saan napag-usapan ang bilateral ties ng dalawang bansa. “The exchange was frank, pragmatic, and constructive, and reflected the interest of both sides in a stable and predictable relationship founded on mutual respect and mutually beneficial cooperation,” ayon sa DFA. “The two ministers shared the understanding that such a relationship rests on three principles: first, that both sides maintain diplomacy and dialogue; second, that both sides avoid actions and rhetoric that could needlessly undermine relations or heighten tensions; and third, that both sides resolve disputes peacefully and manage differences responsibly.” Bagamat hindi makakadalo sa Asean Summit, inanyayahan naman umano ni Xi si Pangulong Ferdinand Marcos Jr. sa 33rd APEC Economic Leaders’ Meeting sa Shenzhen. Facebook Twitter/X LinkedIn Post navigation Bukod sa sweldo, VP Duterte kumikita ng P1M kada taon? Pag-aresto kay Bato, papapelan ng NBI
