.. 
HINDI kinagat ng 34 kongresista mula sa Visayas region ang anila’y ‘demolition job’ na ikinasa para sirain ang integridad ng Kamara, kaugnay ng mapangahas na desisyon ng Mababang Kapulungan.
Partikular na tinukoy ng tinaguriang Visayan bloc ang di umano’y ginagastusang ‘smear campaign’ kung saan target durugin si House Speaker Martin Romualdez kaugnay ng paglilipat ng bilyon-bilyong halaga ng confidential and intelligence fund (CIF) sa mga ahensyang may mandatong tiyakin ang seguridad ng bansa.
“We, the Visayan Bloc Members, would like to express our unwavering and resolute support for the esteemed Speaker from the Visayas, Speaker Ferdinand Martin G. Romualdez,” saad sa isang bahagi ng manifesto.
Para sa Visayan bloc, napagtibay ng Kamara ang mga panukalang batas para sa pagsusulong ng katarungan, pagpapaunlad ng ekonomiya, at proteksyon sa kalikasan sa ilalim ng pamumuno ni Romualdez.
“We reaffirm our belief that the Speaker has led the House of the People with the principles of unity, integrity, transparency and strict adherence to the Iaw–including adherence to COA audits,” ayon sa Visayan bloc.
“We will continue to work with him to deliver on the President’s priority legislative agenda and uplift the lives of Filipinos,” dagdag ng mga kongresista.
Kabilang sa mga mambabatas na lumagda ay sina Reps. Francisco “Kiko” Benitez (3rd District, Negros Occidental), Richard Gomez (4th District, Leyte), Jocelyn Limkaichong (1st District, Negros Oriental), Carlito Marquez (1st District, Aklan), Edgar Chatto (1st District, Bohol), Lorenz Defensor (3rd District, Iloilo), Antonio Agapito Legarda, Jr. (Lone District, Antique), Michael Gorriceta (2nd District, Iloilo), Ma. Lucille Nava (Lone District, Guimaras), Julienne “Jam” Baronda (Lone District, Iloilo City), Ferjenel Biron (4th District), Iloilo at Gerardo Espina (Lone District, Biliran)
Gayundin sina Reps. Lolita Karen Javier (2nd District, Leyte), Raul “Boboy” Tupas (5th District, Iloilo), Joseph Stephen “Caraps” Paduano (Abang Lingkod Partylist), Gerardo Valmayor (1st District, Negros Occidental), Alfredo Maranon III (2nd District, Negros Occidental), Mercedes Alvarez (6th District, Negros Occidental), Manuel Sagarbarria (2nd District, Negros Oriental), Vanessa Aumentado (2nd District, Bohol), Rachel Del Mar (1st District, Cebu City), Rhea Mae Gullas (1st District, Cebu), Janice Salimbangon (4th District, Cebu), Carl Nicolas Cari (5th District, Leyte).
Hindi rin nagpaiwan sina Reps. Jams “Jojo” Ang (Uswag Ilonggo Partylist), Peter John Calderon (7th District, Cebu), Edsel Galeos (2nd District, Cebu), Emmarie Ouano-Dizon (Lone District, Mandaue City), Emilio Bernardino Yulo (5th District, Negros Occidental), Luz Mercado (1st District, Southern Leyte), Lex Anthony Colada (Aambis-Owa Partylist), Maria Fe Abunda (Lone District, Eastern Samar), Teodorico Haresco, Jr. (2nd District, Aklan) at Ma. Cynthia Chan (Lone District, Lapu-Lapu City).
