MIAA SINISINGIL SA MGA NASUNOG NA KOTSE SA NAIA

Ni LOUIE LEGARDA

LABING-ISA sa 19 may ari ng sasakyang nasunog kamakailan sa parking area ng Terminal 3 ng Ninoy Aquino International Airport ang naniningil sa pamunuan ng Manila International Airport Authority (MIAA).

Pag-amin ni  Atty. Chris Bendijo na tumatayong head executive assistant nu MIAA general manager Eric Ines, nakatanggap na ng sipi ng demand letter mula sa mga may-ari ng nasunog na sasakyan.

Sa datos ng Bureau of Fire Protection (BFP), nasa P20 milyon ang halaga ng 19 na nasunog na sasakyan sa parking area ng NAIA Terminal 3 nito lamang nakalipas na Lunes ng hapon.

Patuloy naman ang isinasagawang imbestigasyon ng BFP sa naturang insidente. Kabilang sa masusing sinusuri ang CCTV footage sa naturang bahagi ng paliparan.