.. 
Ni ESTONG REYES
MINSAN pa, pinatunayan ng Senado na walang pwedeng bumalewala sa mandato ng Kongreso.
Sa pinakahuling pagdinig ng Senate Committee on Women, Children, Family Relations and Gender Equality, hindi na naman sinipot ni suspended Bamban Mayor Alice Guo ang patawag ng Senado kaugnay ng isinasagawang imbestigasyon sa illegal POGO operations.
Sa kumpas ni committee chairperson Risa Hontiveros, tuluyan nang na-cite for contempt and kontrobersyal na alkalde, batay sa rekomendasyon ni Sen. Sherwin Gatchalian.
Bukod kay Guo, pasok din sa talaan ng mga tinaguriang “resource persons” na na-cite for contempt ang 22 iba pang “no-show” sa senate inquiry.
Sa hiling ni Senate President Jinggoy Estrada, inaprubahan din ng mga miyembro ng komite ni Hontiveros ang paglalabas ng mandamiento de arresto laban kina Guo at 22 iba pa.
Kabilang sa 22 mga pinapaaresto ng Senado sina Alice Guo (Guo Hua Ping), Nancy J. Gamo, Dennis Cunanan, Wenyi Lin, Seimen L. Guo, Jian Zhong Guo, Wesley Guo at Sheila Guo.
“This committee is ordering the arrest of the persons cited in contempt to be submitted to the Senate President for his signature,” wika ni Hontiveros.
Gayunpaman, nilinaw ng emanate panel chair na kailangan pa lagdaan ni Senate President Francis Escudero ang arrest order bago pa man ipadala sa Philippine National Police (PNP), National Bureau of Investigation (NBI) at Bureau of Immigration (BI) ang arrest order.
“The chair has ruled to cite them for contempt. Pagkatapos ng hearing, susulatan ng chair ang Senate President, once i-affix ng Senate President yung citing [for] contempt ng chair, in effect, mase-set in to motion na ‘yung pag-issue ng warrant of arrest,” paliwanag ni Hontiveros.
Samantala, naglabas din ng subpoena ang komite sa iba pang personalidad kabilang sina Jaimielyn S. Cruz, Roderick Paul B. Pujante, Juan Miguel Alpas, Katherine Cassandra Ong, Alberto Rodulfo “Ar” De La Serna, Jonathan Mendoza at Ronelyn B. Baterna.
Ang iba pa ay sina Michael Bryce B. Mascarenas, Stephanie B. Mascarenas, Rodrigo A. Banda, Jing Gu, Xiang Tan, Daniel Salcedo, Jr., Chona A. Alejandre at Duanren Wu.
