
KUNG pagbabatayan ang resulta ng mga survey na pinangasiwaan ng Social Weather Station (SWS) at Pulse Asia, laos na si former President Rodrigo Duterte, ayon kay Tingog partylist Rep. Jude Acidre.
Sa isang pahayag, tinumbok ni Acidre ang Duterte-style politics na aniya’y hindi na pumatok sa mga Pinoy na lubos na nadismaya sa nabistong bulilyaso sa likod ng giyera kontra droga ng nakalipas na administrasyon, gayundin sa nalantad na korapsyon ni Vice President Sara Duterte.
Batay sa SWS survey, apat sa kada 10 Pinoy ang pabor sa impeachment laban kay Vice President Sara Duterte. samantalang sa survey ng Pulse Asia naman ay 61 porsyento ang nagbigay suporta sa imbestigasyon ng Quad Comm ng Kamara kaugnay madugong giyera kontra droga kung saan libu-libo ang pinaslang.
“Add to that the consistent drop in VP Duterte’s trust ratings, and it’s obvious that the people are fed up,” wika ni Acidre na tumatayong Deputy Majority Leader ng Kamara.
“They’re tired of the same old Duterte-style politics—a culture of impunity, bullying tactics, and decisions that prioritize power over public service,” dagdag pa niya.
Panawagan ng kongresista sa mga kapwa mambabatas, isang matibay na hakbang upang mapanagot ang mga Duterte sa mga maling ginawa.
“Either we stand by the wayside and allow this type of politics to continue, or we take a firm stand to hold the Dutertes accountable. The choice is ours—our silence enables impunity, but our courage can spark change,” giit niya.
Ani Acidre, kinakailangan ang bagong uri ng pamumuno — patas, may pananagutan, at nirerespeto ang batas.
“This isn’t just about one person or one family. It’s about a shift in our collective consciousness as a nation. Filipinos want leaders who will govern with integrity, compassion, and a clear vision for the future—not leaders who thrive on impunity and entitlement,” sabi pa niya.
Naniniwala si Acidre na bilang na ang mga araw ng maling ginagawa at dinadaan ang lahat sa political theatrics.
“The surveys prove it: Filipinos are ready for leaders who put the public’s welfare front and center. It’s time for leaders to listen to the people.”
Dapat din aniyang magsilbing paalala ang sentimyento ng mga PInoy na buhay ang demokrasya sa bansa.
“Let this be a reminder to all of us: our democracy is alive, and the Filipino people are ready to defend it,” pangwakas ni Acidre. (Romeo Allan Butuyan II)