Romer Butuyan 
HABANG papalapit ang takdang araw ng pag-arangkada ng paglilitis ng senate impeachment court laban sa pangalawang pangulo, dagsa pa rin ang mga abogadong nais maging bahagi ng prosekusyon kasehodang walang bayad sa serbisyo.
Ito ang isiniwalat ni House trial spokesperson at Lanao del Sur Rep. Zia Alonto Adiong sa aniya’y malakas na tugon ng legal community na maging bahagi ng paglilitis laban kay Vice President Sara Duterte.
“There are a lot of lawyers, private lawyers who showed up and approached the House prosecution team to offer their services pro bono to be part of the team,” pahayag pa ni Alonto Adiong.
Sa panayam ng Morning Matters program ng One News channel, kinumpirma rin ni Alonto Adiong na ilang private counsels na ang kinuha para sa prosecution team. Gayunpaman, tumanggi ang kongresista magbigay ng detalye.
“There are some private prosecutors that have already been decided to take part and be active, meaning to say they are now included as part of the prosecution team,” ayon pa kay Alonto Adiong.
Patuloy pa rin umano ang evaluation sa iba pang mga aplikante bilang private prosecutors at wala pang pinal na line-up.
“There will be some sort of evaluation… in order that they can actually decide and determine the number of private prosecutors that will be welcome and be included in their list of prosecutors.”
