.. 
Ni ROMEO ALLAN BUTUYAN II
PINAMUNUAN ni Speaker Ferdinand Martin Romualdez ang delegasyon ng Pilipinas sa pagbisita kay United State Rep. Gary Palmer ng Alabama 6th District para isulong ang nuclear energy cooperation at trade relations sa pagitan ng Pilipinas at Estados Unidos.
Para kay Romualdez, malaking bentahe sa Pilipinas ang pakikipag pulong ng mga Pinoy legislators kay Rep. Palmer na miyembro ng US House Committee on Energy and Commerce at ng Committee on Oversight and Accountability.
Partikular na tinukuran ni Romualdez sa pagbubukas ng dialogue na idinaos sa Capitol Hill, Washington DC, Martes ng hapon (oras sa Amerika), ang kahalagahan ng 123 Agreement, na isang civil nuclear deal sa pagitan ng dalawang bansa nilagdaan noong Nobyembre ng nakaraan taon.
Sa ilalim ng naturang kasunduan, pinahihintulutan ang paglilipat ng nuclear energy-related materials at components sa pagitan ng Pilipinas at Amerika.
“The 123 Agreement lays the legal framework for potential nuclear power projects with US providers and paves the way for streamlining the licensing requirements for the private sector with respect to investments on nuclear-related intangible transfers of technology,” wika ni Romualdez.
Kasama sa grupo ng lider ng Kamara sa pagharap kay Rep. Palmer sina Senior Deputy Speaker Aurelio “Dong” Gonzales Jr., House Majority Leader Manuel Jose “Mannix” M. Dalipe, Deputy Speaker David “Jay-jay” Suarez, Agusan del Norte Rep. Jose “Joboy”Aquino II, House Secretary General Reginald “Reggie” Velasco, Deputy Secretary General David Robert Amorin, at Philippine Ambassador to Japan Mylene Garcia-Albano.
Hinggil naman sa pagtalakay hinggil sa trade relations ng dalawang bansa, ipinunto ni Romualdez ang kahalagahan sa muling paggamit ng Generalized System of Preferences (GSP) program, na nag-expire noong Disyembre 2020.
Ang GSP ay ang pinakamalaki at pinakamatandang US trade preference program na nagkakaloob ng nonreciprocal, duty-free treatment na nagbibigay-daan sa world’s developing countries na maabot ang malawak at mataas na paglago ng ekonomiya sa pamamagitan ng pakikipagkalakalan.
“Before the GSP program lapsed, the Philippines exported more than $2 billion worth of goods tax-free to the U.S. annually through the program,” paglalahad ni Speaker Romualdez bilang pagtukoy sa naging mabuting benepisyo ng naturang programa.
“The program has been instrumental in creating jobs and investments in export manufacturing, benefiting both economies,” dagdag pa niya.
Binanggit din ng House Speaker ang posibilidad sa pagkakaroon ng Free Trade Agreement at innovative sectoral arrangements.
“We need to leverage Philippine resources and U.S. technologies and investments, particularly in critical minerals to support the electric vehicle industry and the broader transition to clean energy, including nuclear energy,” ayon pa sa Leyte lawmaker.
“With your support, we can make more progress in this area of our cooperation,” diin naman ng House Speaker kay Palmer.
