.. 
Ni ROMEO ALLAN BUTUYAN II
KUNG gusto may paraan, pahiwatig ng pamunuan ng Kamara sa Department of Agriculture (DA) kasunod ng congressional hearing na dinaluhan ni Agriculture Secretary Francisco Tiu Laurel kaugnay ng isinusulong na amyenda sa Republic Act 11203 na mas kilala sa tawag na Rice Tariffication Law (RTL).
Sa isang pulong sa tanggapan ni House Speaker Martin Romualdez, partikular na tinalakay ang mga mekanismong magbibigay-daan sa pagbaba ng presyo ng bigas sa merkado – bagay na sinang-ayunan ni Laurel at mga punong abala mula sa National Irrigation Administration (NIA) kasama ang mga kinatawan mula sa iba pang tanggapan ng pamahalaan.
Ayon kay Romualdez, posibleng mas mababa pa sa P330 kada kilo ang presyo ng bigas pagsapit ng buwan ng Hulyo, matapos matukoy ang mga tinaguriang butas sa implementasyon ng RTL.
“We are confident that it is possible to offer rice below P30 per kilo as early as July this year. The Department of Agriculture is currently identifying the areas where affordable, well-milled rice will be made available to the public,” ani Romualdez.
Gayunpaman, nilinaw ng lider ng Kamara na hindi kakayanin agad-agad ipatupad sa buong bansa ang naturang antas sa presyo ng bigas.
“Although we cannot yet achieve this throughout the entire country, we can start in selected areas identified by the Department of Agriculture. We hope that this initiative will soon reach all parts of the country, especially after the amendment of the Rice Tariffication Law,” dagdag ni Romualdez.
Para kay Romualdez, malaking bentahe ang pagtutulungan ng Kongreso at executive branches ng gobyerno sa target na makapaghatid sa pamilihan ng sapat at abot-kayang bigas.
Sa panig ni Secretary Tiu Laurel, kahit naman sa ilalim ng umiiral na RTL, pwede naman aniya magbenta ng murang bigas ang NFA sa mga Kadiwa Centers sa iba’t-ibang bahagi ng bansa, katuwang ang local government units (LGUs).
“Starting in July, some of these Kadiwa Centers will be operational in specific regions and will offer affordable, well-milled rice five days a week. The operation of these centers will depend on the rice supply available to the National Food Authority,” paliwanag pa ng Kalihim.
“Gradually, we aim to increase the number of Kadiwa Centers across the country with assistance from local government officials. Many have volunteered to provide public spaces for these centers,” dugtong niya.
Bilang tugon, nakatakda naman himukin ni Romualdez ang mga city at municipal mayors na humanap at tukuyin ang public spaces na maaaring gawan ng Kadiwa Centers.
“We are all working together to ensure the success of this plan. Although it may be a short-term solution, the important thing is that we make affordable rice available to the public as soon as possible.”
