.. 
SA hangaring tuldukan ang karahasan bunsod ng away trapiko, isang panukalang batas ang inihain sa Kamara patungkol sa tinatawag na road rage.
Sa ilalim ng House Bill 8190 (Anti-Road Rage Act), target ni House Majority Leader at Ilocos Norte Rep. Sandro Marcos ang ihanay ang road rage bilang isang kasong kriminal, at karampatang parusa.
Para kay Rep. Marcos, dapat magkaroon ng malinaw na mensahe na ang mga pampublikong lansangan ay hindi lugar para sa karahasan, pananakot at intimidasyon.
“The measure is anchored on a basic principle of public safety: when anger spills onto the road, the consequences are rarely contained to the two people involved, and ordinary commuters, passengers, and pedestrians end up paying the price,” wika ni Marcos.
“We cannot allow road rages to continue on our roads, because one reckless decision can turn into a lifelong tragedy for an innocent family,” dugtong ng Ilocos Norte solon.
Nilalaman ng HB 8190, ang pagturing sa road rage bilang isang agresibong aksiyon at intensyon na ginawa ng motorista o pasahero bunsod ng traffic-related incident, na magdudulot ng intimidasyon, pagbabanta, harassment, pagganti laban o kapahamakan ng isa pang road user, gayundin ang nakaambang panganib sa buhay, bahagi ng katawan o ari-arian.
“The bill lists acts such as driving in a manner that endangers another road user, using a vehicle as a means of intimidation or pursuit, and threatening or assaulting another person in connection with a traffic encounter.”
“The definition matters because it gives enforcers and prosecutors a clearer tool to address patterns that often escalate, including cases involving pursuit, obstruction, and threats of violence that begin with a traffic dispute and end in injury or death,” aniya pa.
Nais ni Marcos na patawan ng parusang pagkakulong ng anim na buwan hanggang isang taon o kaya multang P20,000 hanggang P100,000 — o pareho kung ang humantong ang karahasan sa pinsala, pananakit o pagpanaw ng kaalitan.
Kung nagresulta sa property damage o physical injury, iminungkahi ng ranking House official ang mas mataas na parusa na dalawa hanggang apat na taong kulong o multa ng P100,000 hanggang P200,000, o pareho.
“The measure further provides that if the offense results in two or more less serious physical injuries, or a serious physical injury or death, the offender shall be prosecuted for intentional felonies under the Revised Penal Code, with the appropriate penalties imposed in their maximum period, plus an additional fine ranging from P200,000 to P500,000.”
Bukod sa mga nabanggit na kaparusahan, sinabi ni Marcos na ang biktima ng road rage ay maaari ring magsampa ng hiwalay na civil suit at humingi ng kaukulang danyos laban sa mapatutunayang nagkasala. (ROMER R. BUTUYAN)
