.. 
HULI man daw at magaling maihahabol pa rin. Ito ang sitwasyon sa Korte Suprema matapos maghain ng petisyon si Senador Ronald Dela Rosa na hiling na palayain ang sinumang inaresto sa bisa ng warrant of arrest mula sa International Criminal Court (ICC).
Sa 94-pahinang petisyon ni Dela Rosa, hiniling din ng senador sa Korte Suprema maglabas ng kautusan para sa permanenteng pagbabawal sa anumang uri ng kooperasyon sa ICC.
Kapansin-pansin na nakalagda rin sa naturang petisyon si former President Rodrigo Duterte na dinakip ng Philippine National Police (PNP) sa bisa ng warrant of arrest na inilabas ng ICC.
Ayon kay Atty. Israelito Torreon na tumatayong abogado ni Duterte, ilegal ang pag-aresto sa dating pangulo sa bisa ng red notice mula sa International Criminal Police Organization (Interpol).
Bukod sa paghingi ng temporary restraining order para sa alinmang warrant of arrests at permanent prohibition sa anumang kooperasyon sa ICC probe, hiniling din nina Duterte at Dela Rosa sa Korte Suprema na ideklarang “unconstitutional” ang pakikipagtulungan ng gobyerno sa ICC.
“Any cooperation by the respondents or any government agency with the ICC, including participation in its investigations, enforcement of its orders, or assistance in securing accused individuals, is unconstitutional and violative of Philippine sovereignty; that any attempt to enforce ICC-issued warrants of arrest in Philippine territory without due process under Philippine law constitutes an unlawful and unconstitutional act,” saad pa sa petisyon.
Iginiit nina Duterte at Dela Rosa na nagkaroon ng ‘grave abuse of discretion amounting to lack or excess of jurisdiction’ ang ilang government officials at law enforcement authorities nang payagan pumasok ang ICC investigators at prosecutors para imbestigahan ang kampanya kontra droga ng nakaraang administrasyon – at hayaan ang pagpapatupad ng arrest warrant.
Anila, ang imbestigasyon ng ICC ay walang legal na basehan sapul pa nang kumalas ang Pilipinas sa Rome Statute.
“PERMITTING ICC INVESTIGATORS, INTERPOL AND OTHER RELEVANT AGENCIES TO ENTER THE PHILIPPINES TO PROBE THE DRUG WAR AND EXECUTE WARRANTS OF ARREST CONSTITUTES A DIRECT VIOLATION OF THE COUNTRY’S SOVEREIGNTY AND IS, THEREFORE, UNCONSTITUTIONAL.”
Ibinigay halimbawa rin nila ang tinatawag na ‘principle of complementarity’, kung saan hindi maaaring gamitin ng ICC ang hurisdiksyon nito sa Pilipinas lalo pa’t hindi naman inutil ang justice system ng bansa, kasabay ng giit na may kakayahan ang hudikatura mag-imbestiga at magpataw ng parusa alinsunod sa umiiral na batas.
Bukod dito, wala rin umanong legal obligasyon ang Pilipinas sa anumang ICC-requested Interpol notice.
“THE PHILIPPINE GOVERNMENT’S DUTY IS TO PROTECT ITS NATIONALS FROM UNLAWFUL FOREIGN INTERFERENCE, AND ANY ATTEMPT TO ENFORCE ICC WARRANTS OR FACILITATE THE ICC INVESTIGATION CONSTITUTES A FAILURE TO UPHOLD THIS DUTY.”
Kabilang sa mga tinukoy sa petisyon bilang respondents sina Executive Secretary Lucas Bersamin, Justice Secretary Jesus Crispin Remulla, Interior Secretary Jonvic Remulla, PNP chief Francisco Marbil, CIDG chief Nicolas Torre III, Solicitor General Menardo Guevarra, Foreign Affairs Secretary Enrique Manalo, AFP Chief Romeo Brawner, at ang Bureau of Immigration.
