.. 
Ni ROMEO ALLAN BUTUYAN II
KUMBINSIDO si House Speaker Ferdinand Martin Romualdez na isang higanteng hakbang sa katuparan ng sapat, mura at maasahang suplay ng kuryente para sa mga Pilipino ang panibagong yugto ng talakayan sa pagitan ni Pangulong Ferdinand Marcos Jr. at mga US proponent ng nuclear energy.
Ayon sa House Speaker, ilang oras bago ang historic trilateral summit kina US President Joe Biden at Japanese Prime Minister Fumio Kishida, pinangunahan ni Marcos, Jr. ang delegasyon sa pakikipag pulong sa executives ng Ultra Safe Nuclear Corporation (USNC) sa Washington DC.
Pag-amin ni Romualdez, pangunahing tinalakay sa nasabing meeting ang USNC investment plans sa Pilipinas.
“This follow-up meeting would sustain the momentum of this game-changing cooperative venture and move us a step closer to the realization of President Marcos’ vision of providing adequate, reliable, and cheaper supply of electricity for all Filipinos,” paglalahad pa ng lider ng Kamara.
Matatandaan na sa sidelines ng pagdalo ni Pangulong Marcos sa Asia Pacific Economic Cooperation (APEC) Summit sa San Francisco noong Nobyembre ng nakaraang taon ay nasaksihan ang paglagda ng UNSC at Meralco sa isang kasunduan para sa deployment ng Micro Modular Reactors (MMRs) sa Pilipinas.
Binigyan-diin ni Romualdez na isa sa Philippine officials na kasama ng Pangulo sa follow-up meeting sa USNC executives, na kailangan palakasin ang sektor ng enerhiya ng bansa dahil base na rin sa 2022 data ng Department of Energy (DOE), nasa 96 percent pa lamang ng mga kabahayan sa bansa ang may suplay ng kuryente.
“As an archipelago, our country’s physical landscape presents daunting challenges in connecting remote communities to the national grid,” sabi pa ng mambabatas.
“And while many island communities are served by fuel-fired power generation facilities, they often endure rotational brownouts and suffer from expensive power rates. The MMR promises to offer a viable solution to these challenges,” dugtong niya.
Inilarawan ni Speaker Romualdez ang MMRs bilang mas maliit sa traditional reactors, kung kaya hindi nangangailangan ng mas malawak na lupain para sa pagpapatayo nito kaya naman mainam itong mailagay sa mga remote area o magsilbing pang dagdag sa kasalukuyang power grids sa urban locations.
“Due to their simplified design and factory fabrication MMRs are expected to have lower capital costs compared to traditional nuclear reactors. MMRs can be deployed in a modular fashion, adding capacity as needed, allowing for a more flexible approach to energy needs,” aniya pa.
