.. 
Ni Romeo Allan Butuyan II
IKINALUGOD at pinapurihan ni Speaker Ferdinand Martin Romualdez si President Ferdinand R. Marcos, Jr. dahil sa nakuha nitong pangako at suporta ng United States (US) at Japan para maisakatuparan ang Subic-Clark-Batangas railway link project.
Sa Joint Vision Statement matapos ang historic trilateral meeting nina Pangulong Marcos, US President Joe Biden at Japanese Prime Minister Fumio Kishida, ipinabatid ng tatlong lider ang paglulunsad ng Luzon Economic Corridor na sumusuporta sa connectivity line sa pagitan ng Subic Bay, Clark, Manila, at Batangas.
Nakasaad sa naturang statement ang nabanggit na corridor na bahagi ng Partnership ng Global Infrastructure and Investment (PGI)-IPEF Accelerator kung saan tiniyak ng tatlong bansa ang mabilis at coordinated investments sa high-impact infrastructure projects, partikular ang railways; ports modernization; clean energy at semiconductor supply chains and deployments; agribusiness; at civilian port upgrades sa Subic Bay.
“The commitment of the US and Japan to support a railway project linking Subic-Clark-Batangas is a remarkable achievement of President Marcos, Jr. as it holds immense potential for driving economic growth and development across the nation,” ang pahayag naman ni Speaker Romualdez, lider ng 300-plus strong House of Representatives.
Sa pagkakaroon ng railway link sa nabanggit na strategic ports, tiwala si Speaker Romualdez mapapahusay nito ang cargo transportation, mapapalakas ang trade activities, at makapag-engganyo rin ng investments sa rehiyon. Pagbibigay-diin ng Leyte solon, ang railway project ay makapagbibigay ng mabilis, maaasahang, alternatibong paraan sa pagbiyahe ng mga kargamento sa pagitan ng Subic Bay Freeport Zone, Clark Freeport Zone, at Batangas, na magreresulta rin sa pagbaba sa transportation costs at mapapabuti rin nito supply chain sa mga nabanggit na lugar.
“By diverting cargo away from roads, the railway project could help ease traffic congestion in Metro Manila, which is a major bottleneck for logistics,” sabi pa ni Speaker Romualdez.
“Moreover, it promises to create numerous job opportunities, stimulate local industries, and uplift the standard of living for countless Filipinos,” ayon sa House Speaker.
