.. 
Ni ROMEO ALLAN BUTUYAN II
BILANG isang mataas na opisyal ng pamahalaan, higit na angkop para sa isang mataas na opisyal tulad ni Vice President Sara Duterte na maging isang mabuting halimbawa sa mga kawani ng iba’t ibang sangay at ahensya ng pamahalaan.
Para kay Zamboanga del Norte 2nd District Rep. Glona Labadlabad na tumatayong chairperson ng House Committee on Inter-Parliamentary Relations and Diplomacy, hindi bagay kay VP Sara maging tagapagpalaganap ng kultura ng paninisi.
Giit ni Labadlabad, mas makakabuti ang tumulong na lamang sa paghahanap ng solusyon sa mga problemang kinakaharap ng bansa ang pangalawang pangulo.
“Vice President Sara Duterte’s finger-pointing does nothing to help the country. Real leadership means offering solutions, not just criticisms,” ani Labadlabad.
“Her tenure as Education Secretary did not effectively address the root causes of our educational challenges. These unresolved concerns undermine her credibility when she criticizes the Marcos administration,” dagdag pa niya.
Una nang pinuna si Duterte sa bigong pangangasiwa ng Department of Education (DepEd) – partikular sa kalidad ng edukasyon, kalagayan ng mga public school teachers, pamamahagi ng mga aklat na pinagkagastusan ng pamahalaan, kurikulum at maging sa tinatawag na “critical thinking” ng mga estudyante.
“Everyone in the House is working hard to address our nation’s problems. It’s time for us to end the blame game and start leading by example and strive together in finding effective and efficient solutions not at fault towards the attainment of a better and progressive nation,” ayon pa sa Zamboanga del Norte lawmaker.
