.. 
Ni ROMEO ALLAN BUTUYAN II
KINASTIGO ng mg kapwa kongresista si dating House Speaker Pantaleon Alvarez matapos manawagan sa hanay ng militar na bumitaw sa pagsuporta kay Pangulong Ferdinand Marcos Jr.
Sa isang pahayag, partikular na tinukoy ni Surigao del Sur Rep. Johnny Pimentel ang aniya’y mapangahas na mensahe ni Rep. Alvarez sa Armed Forces of the Philippines (AFP) na aniya’y maituturing na act of sedition o rebellion.
Paliwanag ni Pimentel, hindi angkop sa isang mambabatas ang mag-udyok sa militar para talikuran ang Pangulo.
Hirit pa ng kongresista, hindi makatwiran ang panawagan ng Davao del Norte congressman na humihikayat ng pagkakahati-hati ng bansa — kung hindi man hayagang pag-aalsa.
“The remarks of the former speaker are uncalled for. That is tantamount to an act of sedition or rebellion,” sambit ng Surigao del Sur lawmaker.
“Now is not the time to be divisive when our country is trying to promote our country to be an investment haven to foreign investors. Instead, we should all unite and give our support to President Bongbong Marcos Jr. with his effort for economic reforms,” giit ni Pimentel.
Sinang-ayunan naman ni Camiguin Rep. Jurdin Jesus Romualdo ang posisyon ni Pimentel, kasabay mungkahi sa Department of Justice (DOJ) na kung saan nanawagan naman siya sa Department of Justice (DOJ) na imbestigahan si Alvarez dahil sa “seditious statement” ng huli — at sampahan ng kaukulang kaso kumg kailangan.
“The response to the seditious statement should be the immediate filing of a criminal case so that the move to incite people, including the military, to rebel against the government will be nipped in the bud,” tigas na sabi pa ni Romualdo.
“Clearly, what former Speaker Alvarez remarked during a rally in Tagum City falls within the purview of sedition,” dugtong pa niya.
Sa panig ni House Committee on Muslim Affairs Chairman at Lanao del Norte Rep. Khalid Dimaporo, sinabi niyang maaaring maharap sa Ethics panel probe si Alvarez sa pinakahuling atake nito kay Pangulong Marcos.
“I would kindly urge the former speaker to be cautious with his words and clear on his intent. At face value, his anti-government statements are unbecoming of a member of the House of Representatives and may warrant an ethics case against him,” ani Dimaporo.
Gayunpaman, nanindigan ang House panel head, na na bagama’t nasa Executive Department na kung kailangan tumugon ng DOJ sa litanya ni Alvarez, hindi na umano dapat pang bigyang halaga ang mga aksyon ng huli lalo’t may bahid ng pulitika.
