.. 
PORMAL nang sinimulan ng Department of Information and Communications Technology (DICT) ang pagsusuri at paghahanda sa planong libreng Wi-Fi sa lahat ng istasyon at tren sa Metro Rail Transit Line 3 (MRT-3).
Sa isang kalatas, sinabi ng DICT na ang naturang inisyatiba ay bahagi ng Free Wi-Fi for All (FWFA) Program katuwang ang Department of Transportation (DOTr) at MRT-3 management sa pagsasagawa ng initial groundwork.
Layunin anila ng proyekto bigyan ng libreng internet connection ang libo-libong pasahero ng MRT-3 araw-araw.
Una nang inanunsyo ni DICT Secretary Henry Aguda na plano ng ahensya unahin ang mga istasyon na lagyan ng libreng Wi-Fi.
Gayunpaman, nilinaw ng ahensya na palalawakin kalaunan ang libreng Wi-Fi t hanggang sa loob ng tren.
