.. 
HINDI pa man ganap na nalulusutan ang paratang kaugnay ng umano’y katiwalian sa likod flood control scandal, muling bumida ang pangalan ni former House Speaker Martin Romualdez na iniuugnay sa isang British national na sangkot sa one-billion corruption scandal investment fund ng Malaysia.
Gayunpaman, itinanggi ni Romualdez ang anumang kaugnayan kay dating PetroSaudi Chief Investment Officer Patrick Mahony na sinasabing consultant ng Maharlika Investment Corp. (MIC).
Una nang nadawit ang pangalan ni Romualdez sa inilabas na Sarawak Report, kung saan binanggit ang dating lider ng Kamara na umano’y madalas kasama sa mga pulong sa Maynila.
Una namang iginiit ng MIC na hindi kailanman naging consultant o bahagi man lang ng ahensya si Mahony.
Tinuligsa rin ni Romualdez ang mga paratang na aniya’y walang katotohanan at mapanlinlang. Aniya, “I join the Maharlika Investment Corporation (MIC) in completely denouncing the false and baseless allegations published by certain online sources.”
“I have never had any discussion, meeting, or communication with any individual regarding investments, advisory roles, or management decisions involving the Maharlika Wealth Fund. The reports attempting to link me to such matters are entirely unfounded, misleading and malicious,” aniya pa.
Si Romualdez ang nakaupong Speaker nang pagtibayin ng Kamara ang Maharlika Investment Fund Act.
