.. 
PARA kay Parañaque Rep. Brian Raymund Yamsuan, hindi angkop na pahintulutan ang pagpapalipad ng drone at iba pang unmanned aerial vehicles (UAV) malapit sa mga piitan.
Ang dahilan — ginagamit na umano ng mga sindikato ang drone para magpasok ng droga sa kulungan.
Gayunpaman, nilinaw ni Yamsuan na may pagkakataon na kailangan gumamit ng drone lalo na sa panahon ng emergency, pero may kondisyon — dapat may pahintulot mula sa Civil Aviation Authority of the Philippines (CAAP).
“While drones serve legitimate purposes in commerce and recreation and even in checking the progress of government infrastructure projects, they can also be misused and abused to commit crimes,” wika ng kongresista sa inihaing House Bill 4797 (Drone Free Jails Act).
“Ang pagpasa ng panukalang batas na ito ay magpapalakas sa seguridad ng ating mga piitan at makakatulong para mapanatiling ligtas at payapa ang ating mga komunidad,” ani Yamsuan na minsan nang nanungkulan bilang Assistant Secretary ng Department of the Interior and Local Government (DILG).
Sa ilalim ng panukala ni Yamsuan, bawal sa magpalipad ng UAV sa loob ng 100 metro mula sa jail facility.
“UAVs like drones can both be assets and liabilities depending on their use. Near or inside the vicinity of penal facilities, they can be used to conduct illegal surveillance and bring in contraband like drugs, mobile phones, or even guns. Its authorized use by jail authorities, on the other hand, can help monitor the movement of persons deprived of liberty (PDLs) and help recapture escapees,” aniya pa.
