.. 
WALANG dahilan magsiksikan ang mga mamamayan sa Metro Manila kung may sapat na oportunidad sa probinsya.
Ito ang buod ng House Bill 3124 (Balik-Bayanihan sa Probinsya) na inihain ni Abra lone district Rep. JB Bernos sa Kamara.
Sa isang pahayag, ibinahagi ni Bernos isang epektibong paraan para balansehin ang kaunlarang aniya’y nakasentro lang sa kabisera, sukdulang makipag siksikan at makipagsapalaran sa Metro Manila.
PAra aniya mapigilan ang paglisan ng mga mamamayan sa tinubuang lalawigan, higit aniyang angkop ang tinawag niyang “Balik-Bayanihan sa Probinsya” program.
Sa ilalim ng akdang HB 3124, dapat aniyang patatagin ang kaisipan para isulong ang kaunlaran sa mga kanayunan sa pamamagitan ng pagbibigay ng mas malawak na oportunidad para makapag trabaho at maibahagi ang husay, kaalaman at talento sa lugar na kanilang pinagmulan.
“We need a shift in mindset, a refocusing on rural development that would help address regional inequality. It will be easier to achieve rural development if we prevent the exodus of our young talent away from their hometowns towards urban centers,” wika ng Abra lawmaker.
“We want our local talent to stay so that they can use their knowledge and energy for the betterment of their hometown,” dugtong ng kongresista.
Para kay Bernos, marapat na pigilan ang pagkawala ng mga kinakailangang human resources sa malalayong lugar dahil na rin sa maling kaisipan na nasa kalunsuran ang inaasam na pag-angat sa antas ng pamumuhay.
Kaya naman sa kanyang HB 3124 o ang “Balik-Bayanihan sa Probinsya” bill, tiwala si Bernos na matutugunan ang nangyayaring internal migration sa pamamagitan ng pagpapalakas sa local ecosystems para sa pagtatrabaho at negosyo, kasama na ang pagbabago sa education, labor, at development policies sa halip na magbigay lamang ng pansamantala insentibo o financial aid sa mga graduate at young professionals na manatili sa kanilang hometowns.
“The measure would create a Balik-Bayanihan Program that contains various components, such as the designation of provincial talent hubs that would provide career coaching, job matching, and labor market information, facilitate continuing education and professional development, and offer co-working spaces and mentorship programs for freelancers, startups, and returning professionals,” paliwanag ng Kinatawan ng Abra sa Kamara.
“A local career pathway and job creation component, meanwhile, would identify and promote career paths in tourism, agriculture, digital services, crafts, and local public service; integrate place-based internships, apprenticeships, and on-the-job training in senior high school and tertiary education; and encourage curriculum alignment with local labor demands,” aniya pa.
Mungkahi pa ni Bernos, bumuo ng Rural Employment and Enterprise Partnership Program kung saan tututukan ang pagpasok ng mga kabataan sa hanay ng MSMEs at cooperatives, magkaroon din ng remote work at digital economy opportunities, gayundin sa tourism, heritage-based enterprises, agribusiness, environmental restoration, at local manufacturing.
“Masarap po sa pakiramdam ang maging bahagi ng pag-unlad ng ating komunidad. Hayaan po ninyo at gumagawa tayo ng mga hakbang para hindi na magsilbing sakripisyo o plan B ang pag-trabaho sa probinsya, kundi isang viable career option,” pahabol ni Bernos. (ROMEO ALLAN BUTUYAN II)
