.. 
HINDI katanggap-tanggap kung malulusutan ng mga kawatan ang ginawang katiwalian sa pamahalaan.
Sa gitna ng patuloy na imbestigasyon ng Kongreso sa umano’y ghost flood control projects, pormal na hiniling ni Department of Public Works and Highways (DPWH) Secretary Vince Dizon sa Department of Justice (DOJ) ang agarang pagpapalabas ng Immigration Lookout Bulletin Order (ILBO) laban sa dating kalihim ng ahensya.
Partikular na tinukoy ni Dizon ang pinalitang Kalihim na si former Secretary Manuel Bonoan.
Bukod kay Bonoan, kabilang rin sa hirit na ILBO request sina Candaba, Pampanga Mayor Rene Maglanque at mga opisyal ng MBB Global Properties Corporation na sina Macy Monique Maglangue, Sunshine Bernardo at Fatima Gay dela Cruz.
“An investigation is being conducted on DPWH officials and key officers of construction companies allegedly involved in ghost projects and/or substandard construction of flood control projects,” wika ni Dizon.
“The timely issuance of an ILBO is of utmost necessity to enable the current investigations to proceed without delay and to hold those liable accountable to the Filipino people,” dugtong ng DPWH chief.
Kamakailan lang, hiniling din ni Dizon sa DOJ ang pagpapalabas ng ILBO laban sa ilang opisyal ng DPWH at mga kontratista kabilang na si dating DPWH Usec. Roberto Bernardo.
Sa isang privilege speech, ibinunyag ni Senate President Pro Tempore Panfilo Lacson ang koneksyon ni Bonoan kay Mayor Maglanque, na aniya’y ginawaran ng nasa P1-bilyong halaga ng kontra para sa iba’t-ibang proyekto ng ahensya.
