SA sandaling tuluyang ipasok sa piitan si dating House Speaker Martin Romualdez, dapat sunod na isakdal si Pangulong Ferdinand Marcos Jr. na umano’y kapural sa dambuhalang katiwalian sa likod ng tinaguriang flood control scandal. Ito ang giit ni ACT Teachers partylist Rep. Antonio Tinio, kasabay ng panawagan sa Office of the Ombudsman na habulin ang tinawag niyang “big fish” sa dambuhalang anomalya sa likod ng mga proyekto kontra baha. “Justice must not stop at the former Speaker — go after the biggest fish, Marcos Jr. himself,” wika ni Tinio matapos maglabas ng kautusan ang Sandiganbayan — ang pagpiit kay Romualdez sa Quezon City Jail. Nahaharap si Romualdez sa kasong plunder, kasama sina dating Ako Bicol partylist Rep. Zaldy Co at dalawang iba pa dahil sa umano’y kickback na mula sa iba’t ibang government projects mula 2022 hanggang 2025. Biyernes ng nakalipas ng linggo nang dakpin sa bisa ng warrant of arrest si Romualdez habang naka-confine sa Cardinal Santos Medical Center sa San Juan City. “This is a step forward in the people’s demand for accountability. No special treatment, period,” dagdag ng militanteng kongresista. Para kay Tinio, makakamit lang ang tunay na pananagutan kung kasamang ipapasok sa kulungan ang bida sa Malakanyang. “Let us not forget: the most widespread plunder of the public treasury in the post-Martial Law era could not have happened without the blessing, tolerance, implementation, direct involvement, and benefit of President Marcos Jr. himself. He is the biggest fish of the flood control scam,” aniya pa. “We warn the Ombudsman and the entire justice system: the case cannot stop at Romualdez and Co. The Filipino people, who have taken to the streets in their millions, demand nothing less than the prosecution of everyone implicated — from contractors and district engineers all the way to the President. The fight is far from over.” Facebook Twitter/X LinkedIn Post navigation VAT inalis na sa systems loss ng Meralco — BIR Romualdez, biyaheng Quezon City Jail na
