Marvic Leonen manok ni Leni bilang Chief Justice

KUNG may karapat-dapat humalili kay Supreme Court Chief Justice Alexander Gesmundo, yun ay si Associate Justice Marvic Leonen, ayon kay former Vice President Leni Robredo

Sa isang liham na ipinadala ni Robredo na kasalukuyang nanunungkulan bilang alkalde ng Naga City, hayagang hiniling ang paghirang kay Leonen na aniya’y “most senior” sa hanay ng mga mahistrado.

“He has proven to be way beyond the constitutional requirements of competence, independence, probity, and integrity,” ani Robredo, sabay tukoy sa 14 taong serbisyo ni Leonen sa Korte Suprema mula nang italaga noong 2012 ni yumaong dating Pangulo Noynoy Aquino.

Para kay Robredo, ipinamalas ni Leonen ang natatanging kakayahan humawak ng mga sensitibong usapin tulad ng framework agreement ng pamahalaan sa Moro Islamic Liberation Front (MILF).

Binanggit din ng alkalde ang edukasyon at karanasan sa hudikatura ni Leonen na higit aniyang kilalang tagapagtaguyod ng hustisya, karapatang pantao o integridad sa gobyerno.

“I have no doubt that he will work in a humble and collegial manner that will ensure the stability of our Judiciary and the full development of our country.”